Digərləri
2023-02-02 09:27:00
Dövlət Sərhəd Xidməti tərəfindən 2023-cü ilin yanvar ayı ərzində dövlət sərhədinin еtibarlı mühafizəsinin təmin edilməsi, qaçaqmalçılıq, qеyri-lеqal miqrasiya, narkоtik vasitələrin qanunsuz dövriyyəsinə qarşı mübarizə tədbirləri davam еtdirilmişdir.
2023-02-02 08:59:00
Qanqren (yun. gangraina) - toxumanın, orqanın və ya bədənin bir hissəsinin çürüməsi (nekrozu). Toxumalara oksigen ya heç çatmadıqda, ya da cüzi miqdarda çatdıqda başlayır. Adətən ürəkdən çox aralı nahiyələrdə, məsələn, barmaqlarda, yaxud infarkt zamanı ürək əzələsində, ya da ağciyərdə olur. Qan damarlarığın trombozu, ateroskleroz, endarteriit və s. xəstəliklər, habelə mexaniki (travma), fiziki (yanıq, donma), kimyəvi (qatı turşu və qələvilərin təsirindən), şüa və s. amillərin təsiri nəticəsində baş verir.
2023-02-02 08:55:00
Bronxoostruktiv sindrom bronx keçiriciliyinin pozulmasıdır. Xronik obstruktiv bronxitdə obstruksiya geridönən və davamlı komponentə malik olur. Geridönən komponent bronxların saya əzələlərinin yığılması, bronxial vəzlərin hipersekresiyası və bronxların selikli qişasının ödemi ilə şərtlənir. Xəstəlik zamanı bronxial vəzlərin destruksiyası, peribronxial fibroz, bronxiolların formasının dəyişməsi ilə özünü göstərir. Tənəffüs yollarının mexaniki xassələrinin pozulması onların nəfəsvermədə yaprıxmasına səbəb olur. Bu sindromun qayıtma əlaqəsi prinsipinə görə inkişafı öskürmə səbəbli pozğunluqları gücləndirir, yerli müdafiəni aşağı salır. Bu zaman həmin hissədə dairə qapanır və xəstəlik sağalmaz olur. Xəstəliyin əmələ gəlməsində virus və bakteriyanın rolu ikincili xarakter daşıyır. Yüksək özlü bəlğəmin toplanması, müdafiə qüvvələrinin azalması, bronxial keçiriciliyin pozulması xəstəlik irəlilədikcə infeksiyanın aşağı yayılmasına və xəstəliyin kəskinləşməsinə səbəb olur. Xəstəlik tədricən inkişaf edir, müalicə olunmadıqda kəskinləşir və xroniki hala keçir. Bronxoostruktiv sindromda xəstələrin şikayətləri aşağıdakılardan ibarət olur: - səhərlər bəlğəmli öskürək - isti otaqdan soyuğa çıxdıqda öskürək - selikli-irinli bəlğəm - arterial hipertenziya - qanhayxırma - fiziki iş zamanı təngnəfəslik - nəfəsvermədə çətinləşmə - temperatur - tez yorulma - yorğunluq. Xəstəliyə diaqnozun qoyulmasında rentgenoloji müayinənin, bronxoqrafiyanın, kompyuter tomoqrafiyanın və anamnezin nəticələri əsas götürülür. Müalicə antibiotiklərdən, vitaminlərdən istifadə etməkdən və qıcıqlandırıcı faktorlardan uzaq durmaqdan ibarətdir.
2023-02-02 08:51:00
Dölyanı maye - amnion maye. Bu maye dölü əhatə edən mayedir və amnion maye adlanır. Amnion maye xaricdən qişalarla əhatə olunmuşdur. Həmin qişa 2 hissədən ibarətdir. - daxili qat - döləbaxan qat - xarici qat - uşaqlığa baxan və ya uşaqlığa bitişən qat. Dölü əhatə edən qişa kisəyə oxşayır. Uşaqlığa baxan səthin bir hissəsi, ciftin daxili səthinə bitişir və göbək ciyəsini əhatə edir. Amnion qişanın içərisi amnion maye ilə dolu olub hamiləliyin axırında 1-1,5 litrə çatır. Bu mayenin tərkibi ananın qan damarlarının tərləməsi, amnion epitelinin ifrazı, dölün böyrək fəaliyyəti ilə əlaqədar olaraq tənzimlənir. Mayenin tərkibində zülal, duz, şəkər, hormonlar olur. Dölyanı mayenin əsas fizioloji xüsusiyyətləri aşağıdakılardır: 1. Dölün hərəkət və inkişafı üçün şərait yaradır. 2. Dölyanı mayenin miqdarı az olduqda dölün anadangəlmə eybəcərliklərinə səbəb ola bilir. 3. Dölyanı maye dölün maddələr mübadiləsində əsas rol oynayır. 4. Dölü xarici təsirlərdən qoruyur. 5. Göbək ciyəsini döl və uşaqlıq divarı arasında sıxılmağa qoymur. 6. Dölyanı maye doğum vaxtı dölün doğum yollarından irəliləməsinə şərait yaradır.
2023-02-02 08:46:00
Xroniki pnevmoniya ağciyər toxumasının, ağciyərin eyni zədələnən hissəsində residivləri ilə təzahür edən lokal iltihabi prosesdir. Bu proses ağciyər toxumasında pnevmosklerozun, bronxalveolyar ağacının lokal xronik bronxit tipində geridönməz patologiyalara səbəb olur. Xroniki pnevmoniyanın əmələ gəlməsinə səbəb kəskin pnevmoniyadır. Belə ki, kəskin pnevmoniya uzun gedişə malik olduqda və ya müalicə olunmadıqda xroniki hala keçir. Xəstəlik ağciyərlərdə yayılmasına görə: - ocaqlı - seqmentar - paylı, gedişinə görə - kəskinləşmiş - residivləşmiş formalı olur. Xroniki pnevmoniya həmişə kəskin pnevmoniyanın nəticəsi hesab olunur. Xroniki pnevmoniyanın kəskinləşmə dövründə əsas klinik simptomlar aşağıdakılardır: * Xəstə zəiflikdən, gecələr tərləmədən, bədən hərarətinin çox qalxmasından, iştahanın azalmasından, selikli-irinli bəlğəmin ayrılması ilə baş verən öskürəkdən, bəzən döş qəfəsində olan zəif ağrıdan şikayətlənirlər. Xəstələrdə aşağıdakı əlamətlər özünü göstərir. * Bədən kütləsinin azalması. * Səsin kütləşməsi * Yaş xırıltılar * Zədələnmə ocağı üzərində krepitasiyalar. Xəstəliyə diaqnoz qoymaq üçün rentgenoloji müayinənin, bronxoqrafiyanın, bronxoskopiyanın nəticələri əsas götürülür.Qanın ümumi və biokimyəvi müayinəsi və bəlğəmin bakterioloji müayinəsi diaqnozun təsdiqlənməsində böyük rol oynayır. Müalicə orqanizmin möhkəmlənməsi və antibakterial müalicədən ibarət olur. Xəstəliyin ağır formalarında antibiotik birbaşa ağciyərə yeridilir.
2023-02-02 08:25:00
Asfiksiya kəskin tənəffüs çatışmazlığının ən ağır formasıdır. Bu zaman orqanizmə oksigen daxil olmur və karbon qazı xarici mühitə verilmir. Asfiksiyanın əmələ gəlməsinin əsas səbəbləri aşağıdakılardır: * tənəffüs yollarının sıxılması, mənfəzinin şiş toxuması və ya yad cisimlə tutulması * ağciyərlərə maye dolması - suda boğulan adamların ağciyərlərinə su dolduqda - dölün tənəffüs yoluna dölyanı maye dolduqda * qırtlağın iltihab nəticəsində daralması * tənəffüs əzələlərinin iflici * toxuma tənəffüsünün pozulması. Asfiksiya zamanı hipoksiya, hiperkaphiya və asidoz müşahidə edilir. Asfiksiyanın inkişaf etməsi 4 mərhələdə gedir. Birinci mərhələdə təngnəfəslik müşahidə edilir, arterial təzyiq yüksəlir, ürək vurğuları sürətlənir. İkinci mərhələdə ekspirator təngnəfəslik meydana çıxır, təzyiq yüksəlir, sinir sisteminin fəallığı artır. Üçüncü mərhələ tənəffüsün bir-neçə saniyədən bir 1-2 dəqiqə dayanması ilə xarakterizə olunur. Bu zaman arterial təzyiq azalır. Asfiksiyanın dördüncü mərhələsi terminal mərhələ hesab edilir. Bu zaman sinir mərkəzinin sarsıntısı nəticəsində reflekslər itir, bəbəklər genəlir, əzələlərin tonusu itir, arterial təzyiq kəskin surətdə aşağı düşür, ürək yığılmaları azalır, passiv nəfəsvermə müşahidə edilir. Müşahidələr göstərmişdir ki, asfiksiya zamanı ürək fəaliyyəti tənəffüsün dayandığı andan sonra bir müddət davam edir. Asfiksiya baş verən zaman onu yaradan səbəb aradan qaldırlmalı, toxumaların oksigenlə təhcizatı təmin olunmalıdır. Bu zaman süni tənəffüs, ürəyin xarici massajı və s. üsullarından istifadə edilir.
2023-02-02 08:23:00
Teleqraf.com-un suallarını fəlsəfə elmləri doktoru, professor Niyazi Mehdi cavablandırıb.
2023-02-02 08:21:00
Aspirasion pnevmoniya çox vaxt ağız boşluğu və udlaqda yerləşən (sağlam şəxslərin 50%-i ağız udlaq sekretini aşağı tənəffüs yollarına aspirasiya edirlər) anaerob və onların anaerob qrammənfi mikroflora ilə birgə iştirakı nəticəsində baş verir. Bu zaman baş verən pnevmoniya çoxlu miqdar qusuntu kütləsi aspirasiya olunduqda və ya onun içərisində anaerob mikroflora olduqda törənir. Öskürmə funksiyasının pozulması, həmçinin mukosiliar klirensin pozulması pnevmoniya riskini artırır. Pnevmoniyanın anareob törədicilərinin mənbəyi aşağıdakılar hesab edilir: - diş ərpi - dişlər - dişlərarası yırtıqlar. Xəstəliyin baş verməsi ağciyər iltihabının yaranmasına səbəb olan infeksiyanın oraya daxil olması və orqanizmin zəif olması ilə əlaqədardır. İnhalyasion hissəciklərin tənəffüs yollarında paylanması ilk növbədə onların ölçülərindən asılıdır. Diametri 10 mkm-dən böyük olan hissəciklər başlıca olaraq burun boşluğuna və yuxarı tənəffüs yollarına daxil olurlar. Bu infeksiyalar bronxlara və alveollara çokdükdən sonra daxilə nüfuz edir və xəstəlik törədirlər. Buna görə də pnevmoniyanı əmələ gəlməsində çox vaxt inhalyasiya edə biləcək törədicilərin rolu olduğu öz təsdiqini tapır. Vərəm, qrip, histaplazmoz xəstəliklərinin törədiciləri də bu yolla pnevmoniyanın əmələ gəlməsinə səbəb olur. Pnevmoniyanın törədiciləri bilavasitə alveollarla baş verdiyinə görə aspirasion pnevmoniya adlanır. Aspirasion pnevmoniya zamanı xəstələrin şikayətləri aşağıdakılardan ibarət olur: - zəiflik - iştahanın itməsi - titrətmə - təngnəfəslik - döş qəfəsində ağrı. Xəstəliyin başlanğıc dövründə öskürək quru, əziyyətverici olur, sonra isə yumşalır və bəlğəm əmələ gəlir. Xəstəliyə diaqnozun qoyulmasında rentgenoloji müayinənin və həkimin obyektiv müayinəsinin rolu böyükdür.
2023-02-02 08:17:00
Qazaxıstanın Sənaye və Ticarət Nazirliyi ölkənin Rusiyadakı ticarət nümayəndəliyinin ləğvi ilə bağlı sənəd layihəsi hazırlayıb.
2023-02-02 08:15:00
Qan dövranında problem olarsa, buna diqqət etməmək mümkün deyil. Təzyiqin düşməsi, yorğunluq, təngnəfəslik, soyuq əllər və ayaqlar - qan dövranının pozulmasının aşkar əlamətləridir. Qan dövranının belə dayanması hipertoniya, damarlarda varikoz genişlənməsi və gözlərin altında tünd kölgələrin əmələ gəlməsi ilə nəticələnir. Bundan əlavə zəif qan dövranı - ürək çatışmazlığını yaradan amillərdən biridir. Sağlamlıqla bağlı ciddi problemlərdən uzaq olmaq və ürəyin işini yaxşılaşdırmaq üçün bir neçə təbii üsullardan istifadə etməyiniz vacibdir.
2023-02-02 08:11:00
Ağciyərlərin alveolyar mikrolitiazı alveollarda mineral birləşmələr və proteinlərdən təşkil olunmuş maddələrin çikməsi ilə xarakterizə olunan xəstəlikdir. Xəstəliyə 20-40 yaşlı adamlarda rast gəlinir. Xəstəliyin əmələ gəlməsində irsi faktor və peşə zərərlərinin təsi olduğu güman edilir. Xəstəliyin mahiyyəti alveollarda zülalların hiperproduksiyası və yığılmasından ibarətdir ki, burada da kalsium fosfat və karbonatın mikrokristalları toplanaraq ventilyasiya sistemini pozur.Bu da intersistal fibroz və tənəffüs çatışmazlığına səbəb olur. Xəstəlik aşağıdakı patologiyalara səbəb olur: - ağciyər toxumasının, xüsusən aşağı payıarın sıxılması artır - alveollarda və bronxiollarda kalsiumkarbonat, mis, natrium, kalium, sink, maqnezium mikroelementlərinin 1-3 mm diametrli mikrokonkrementləri aşkar edilir - xəstəlik proqressivləşdikcə mikroelementlər artır - mikrolitlər yerləşən zonada makrofaqlar qalır. Xəstəlıik uzun müddət narahatçılıq vermədən keçir. Lakin əlamətlər artdıqda xəstələrdə aşağıdakı şikayətlər baş qaldırır: - tez yorulma - təngnəfəslik - ümumi zəiflik - ürəkdöyünmə - döş qəfəsində ağrı.
2023-02-02 08:05:00
Çoxdöllü hamilə qadınlar bütün doğan qadınların 1,5%-i təşkil edir. Çoxdöllü hamiləlikdə ölüm halları digər doğuşlardan 3-4 dəfə artıq olur. Hamiləlik zamanı qadında 2 və daha artıq döl ayırd edilərsə, çoxdöllü hamiləlik adlanır. Çoxdöllü hamiləlikdən dünyaya gələn uşaqlar əkiz uşaqlar adlanır. Hər 70-80 doğulan uşaqdan birində əkiz, 6000-7000 doğuşdan birində isə 3 uşaq doğulur. Çoxdöllü hamiləliyin səbəbləri bir sıra faktorlardan asılıdır: * ər və arvadın ailələrində yaxud nəslində əkizlərin olması * qadının yaşı 18 az və ya 30-dan yuxarıdırsa * hamiləliyə qədər aybaşı tsiklinin pozulması * hormonal müalicə * ovulyasiyanın stimulyasiyası * hormonal kontraseptivlərin qəbulu. Çoxdöllü hamiləlik eyni vaxtda yetişmiş 2 yumurtahüceyrənin mayalanması və ya döllənmiş bir yumurtahüceyrədən iki dölün inkişaf etməsi nəticəsində baş verir. Eyni yumurta əkizləri bir yumurtahüceyrədən əmələ gəlir və ya bir spermatozoidlə mayalanır. Bu zaman hər iki dölün ciftində qan damarları arasında anastamozlar olur. Tək yumurta əkizləri adətən eyni cinsdən olur. Müxtəlif yumurta əkizləri mütəlif ciftə, su və xorion qişasına malik olur. Çoxdöllü hamiləlikdə hamilə qadının orqanizmində adi hamiləliyə nisbətən daha yüksək dəyişikliklər gedir. Əksər hallarda ürək-damar sistemi, tənffüs sistemi, qaraciyər, böyrəklər və digər orqan və sistemlərdə bir sıra pozğunluqlar baş verir. Çoxdöllü hamiləlikdə toksiplazmoz və nefropatiya təkdöllü hamilələrdəki kimi müxtəlif əlamətlərlə özünü göstərir. Bu zaman ürəkbulanma, qusma, qəbizlik, ödem, ağız suyunun axması baş verə bilir.
2023-02-02 07:25:00
Daxili işlər naziri, general-polkovnik Vilayət Eyvazov tərəfindən fevral ayının 16-da Cəlilabad Rayon Polis Şöbəsinin inzibati binasında Neftçala, Biləsuvar, Cəbrayıl və Cəlilabad şəhər və rayonlarının sakinlərinin qəbulu keçiriləcək.
2023-02-02 07:21:00
Xəstəlik ağciyər arteriyası və oun şaxələrinin konseptrik fibrozu, hipertrofiyası, həmçinin çoxsaylı arteriovenoz səbəbli meydana çıxır. Xəstəliyə ən çox qadınlar arasında rast gəlinir, çox vaxt hamiləlik zamanı üzə çıxır. Belə fərz olunur ki, bu sindromla təzahür edən xəstəlik heterogen qrup xəstəlikdir. Bəzən ailəvi xarakter daşıyır. Xəstəliyin genetik xarakter daşıması fərziyyəsi mövcuddur. Ağciyər hipertenziyasının əmələ gəlməsində aşağıdakı faktorların rolu olduğu söylənilir: - damar tonusunun tənzim mərkəzinin pozğunluğu - aktiv damardaraldıcı maddələrin təsiri (serotonon, endotelinin) - trombositlərin aqressiyasının yüksəlməsi - mikrotrobların formalaşması ilə anadangəlnə və qazanılmış qüsur. Xəstəlik zamanı ağciyərlərin xırda venalarında proliferasiya və fibroz baş verir, kapillyar damarların okklüziyası əmələ gəlir. Bu zaman ağciyər hemangiomatozu və metastzlaşmayan xoşxassəli damar törəmələri meydana çıxır. Xəstəlik aşağıdakı əlamətlərlə mözünü biruzə verir: - azacıq fiziki gərginlikdə belə boğulma hissi - tez yorulma - döş sümüyü arxasında ağrılar - ürəkdöyünmə - huşun itməsi - başgcəllənmə tutmaları. Müayinə zamanı xəstələrdə təngnəfəslik, kəskin sianoz, falanqaların"təbil çubuğuna" bənzəməsi aşkar edilir. Xəstələrdə qan dövranı pozğunluqları səbəbli arterial hipertenziyanın da müşahidə edilməsi diqqəti çəkir. Diaqnozu dəqiqləşdirmək üçün EKQ, rentgenoloji və laborator analizlərin nəticələri əsas götürülür. Ağciyər hipertenziyasının müalicəsi aşağıdakı istiqamətlərdə aparılır: 1. İzomerik gərginlikləri məhdudılaşdırmaq 2. Ağciyər infeksiyalarının aktiv müalicəsi 3. Vazodiladatorlarla müalicə. Xəstəliyin etioloji müalicəsi yoxdur.
2023-02-02 07:11:00
Respirator disstress sindromu kəskin tənəffüs çatışmazlığı ilə xarakterizə olunan xəstəlikdir. Xəstəlik aşağıdakı əlamətlərlə özünü biruzə verir: - ağciyərlərin müxtəlif kəskin zədələnmələri - ağciyərlərin qeyri-kardiogen ödemi - xarici tənəffüsün pozulması - hipoksiya - ağciyərdə infiltirasiya. Respirator distress sindromu ağciyərləri birbaşa və ya dolayısı ilə zədələyir. Müayinə zamanı xəstənin qanında ağciyərlərin zədələnməsinə səbəb olan bioloji aktiv maddələrin çoxluğu müəyyən edilir. Ağciyərləri zədələyən maddələrdən trombositlərin aqressiyasının pozğunluqları zamanı da qanda aşkar edilir. Xəstəlik zamanı aktivləşmiş leykositlər və trombositlər sitotoksik maddələr ifraz edərək ağciyərlərin kapiliyarlarında aqreqat şəklində toplanırlar. Bu zaman ağciyər kapiliyarlarının alveollarının zədələnməsi baş verir ki, bu da alveolların (hava boşluqlarının) maye ilə dolması və surfaktant ifrazatın azalmasına səbəb olur. Sonra 3-10 sutka ərzində fibroblastların proliferasiyası baş verir və alveollar arakəsməsi qalınlaşır. 2-3 həftə ərzində əlamətlər kəskinləşir və intersistal fibroz baş verir. Xəstəliyin klinik simptomları zədələyici faktorun təsirindən bir-neçə saat sonra təzahür edir. Xəstələrdə səthi tənəffüs, təngnəfəslik, hipoksemiya əmələ gəlir. Respirator disstress sindromun açıq şəkli 2 gün ərzində aydın olur. Daima oksigen inhalyasiyası verilmədikdə xəstələrdə sianoz meydana gəlir, dəridə göy ləkələr görünür. Diaqnozun qoyulmasında qanın və qan plazmasının ümumi analizləri, qanın qaz tərkibinin analizlərinin nəticələri, rentgenoloji müayinə əsas rol oynayır. Müalicə xəstəxana şəraitində reanimasion tədbirlərin tətbiqi ilə ararılır.
2023-02-02 07:05:00
Xəbər verdiyimiz kimi, fevralın 1-də Kəlbəcərin Qılınclı kəndi ərazisində "Niva" markalı avtomobil idarəetməni itirərək Tərtər çayına aşıb.
2023-02-02 06:04:00
Kəskin dağınıq ensofalomielit sinir sisteminin yoluxucu allergik xəstəliyidir. Xəstəliyin törədicisinin neyrotrop viruslar olduğu güman edilir.Virusun orqanizmə daxil olma yolları yuxarı tənəffüs yolları və mədə bağırsaq traktıdır. Virusların baş beyin və onurğa beyinə hematogen yolla daxil olur. Xəstəliyin patogenezində baş beyin və onurğa beyində mielinsizləşməyə səbəb olan allergik reyaksiyalar mühüm rol oynayır. Morfoloji olaraq baş beyində kəskin damar dəyişikliyi ilə diffuz edilən ocaqla aşkar edilir. Əsasən beynin ağ maddəsi zədələnir, proses mielinsizləşmə xarakteri daşıyır. KLİNİKASI: Xəstəlik çox vaxt kəskin başlayır, ümumu yoluxucu, qişa və ocaq əlamətləri təzahür edir, bədənin hərarəti qalxır, kataral əlamətlər və baş ağrısı təzahür edir. Tez-tez kəllə sinirlərinin innervasiya pozulmaları qeyd olunur, aşağıdakı əlamətlər meydana çıxır: - görmə zəifliyi - nistaqm - çəpgözlülük - üz sinirinin asimmetriyası - bulbar əlamətlər. Nadir hallarda xəstələrdə miokloniya, əsmə baş verir, xəstələr tez-tez döş qəfəsində və ətraflarda ağrıdan şikayətlənirlər. Xəstəliyin yoluxucu və nevroloji əlamətləri sürətlə yayılır. DİAQNOZU: Xəstəliyin diaqnozu yoluxucu əlamətlərlə kəskin başlamasına və çoxsistemli multifoqal pozulmalarına əsaslanaraq qoyulur. Anamnestik məlumat diaqnozun qoyulmasında mühüm rol oynayır. MÜALİCƏSİ: Kəskin hallarda desesibilizə və dehidratasiyaedici müalicə tətbiq olunur. Xəstəyə kortikosteroidlər təyin edilir, bulbar əlamətlər müşahidə edildikdə reanimasiya tədbirləri görülür. Xəstəyə B qrup vitaminlər, metobolik prosesləri normaya salmaq üçün dərmanlar təyin edilir.
2023-02-02 05:02:00
Hemostazın pozulması hamiləlik vaxtı ilk növbədə aşağıdakı əlamətlərlə aşkarlanır: - endotelin yayılmış zədələnməsi - qanın laxtalanması - toxuma hipoksiyası - trombositlərin aktivləşməsi. Hamiləlikdə böyrəklərin zədələnməsi zamanı trombositlərin aqreqasiyası artır, trombosit mənşəli maddələrin (tromboksan, tromboqlobilin) səviyyəsi yüksəlir. Bu zaman yayılmış damardaxili laxtalanma sidromu inkişaf edir. Xəstəliyin kliniki variantının gedişindən asılı olaraq qanın laxtalanma sistemi müxtəlif ağırlıq dərəcəsində olur və müxtəlif formada təzahür edir. Laborator müayinədə trombositopeniya, eritrositlərin fermentasiyası, fibrinolizin aktivləşməsi və fibrinogenin qan plazmasında deqradasiyası məhsullarının artması tipik sayılır. Hemostazın laborator göstəricilərinin dinamikada izlənməsi yayılmış damardaxili laxtalanmanın diaqnostikasını asanlaşdırır. Prosesin inkişaf etməsi nəticəsində yayılmış damardaxili laxtalanmanın klinik əlamətləri qeyd olunur. Bunlara aşağıdakılar aiddir: - lokalizasiyalı hemoragiyalar - tromb nəticəsində böyrəyin funksiyasının pozulması - tromb nəticəsində qaraciyərin funksiyasının pozulması. Ağır dərəcədə damardaxili laxtalanma baş verdikdə doğuş zamanı profuz uşaqlıq qanaxması və massiv hemoliz müşahidə olunur. Hemoliz anemiya, qanda sərbəst bilirubinin artması, hemoqlubinuriya ilə aşkar olunur.
2023-02-02 04:03:00
Bronxial astmanın müalicəsi pilləli yanaşmaya əsaslanır. Bu yanaşmanın məqsədi daha az dərman vasitlərindən istifadə etməklə bronxial astmanın təzahürlərini azaltmaqdan ibarətdir. Astma zamanı dərmanların miqdarı və qəbul edilmə tezliyi xəstəliyin ağırlıq dərəcəsindən asılı olaraq təyin edilir. Xəstəliyin birici mərhələsində dərmanlar fiziki gərginlikdən əvvəl verilir. Xəstəyə həkim dozasını təyin etməklə teofillin verilir və allergenlə spesifik immunoterapioya aparılır. Sonralar xəstəyə inhalyasyon kortikosteroidlər təyin edilir. Bronxial astmanın təzahürləri aradan qalxmadıqda gündəlik olaraq xəstəyə iltihabəleyhinə dərman vasitələri təyin edilir. Bu zaman xəstələrə uzunmüddətli təsirə malik bronxodilatatorlardan istifadə edilir. Bu adətən gecə tutmaları baş verən xəstələrə təyin edilir. Xəstəliyin gedişi ağır olduqda xəstəliyə tam nəzarət etmək mümkün olmur. Bu zaman xəstələrə əvvəlki dərmanlarla yanaşı adrenomimetiklər təyin edilir. Bu zaman adrenomimetiklərlə yanaşı xəstəyə xolinoblakatorlar da təyin edilir. İnholyasiya xəstəliyin qısamüddətdə əlamətlərinin aradan qaldırılmasında çox yardımçı olur. İnholyasiya qısamüddətli təsirli adrenomimetiklər simptomları yüngülləşdirmək üçün lazımdır, amma sutka ərzində 3-4 dəfədən çox olmamalıdır. Bronxial astmanın müalicəsində aşağıdakı müalicə tədbirlrindən istifadə edilməlidir: * Xəstələrə allergenlə spesifik müalicə, yüngülləşdirici pəhriz terapiya, baroterapiya, iynərefleksoterapiya tətbiq edilir. * İnfeksiyadan asılı astmalı xəstələrdə infeksiya ocağının sanasiyası, mukolitik müalicə tətbiq edilir. * Autoimmun astmalı xəstələrə qlükokortikoidlərdən başqa sitostatik preparatlar təyin edilir. * Aspirin astmalı xəstələrə antileykotrein preparatlar təyin edilir. * Hormondan asılı astmalı xəstələrə klükokoprtikosteroidlərin təyini sxemlə təyin edilir. * Kəskin ifadə olunmuş xolinergik variantlı xəstələrə xolinoblakatorlar təyin edilir. * Bronxial astmalı xəstələrə xəstəliyin hər mərhələsində müalicə bədən tərbiyəsi effektli təsir göstərir.
2023-02-02 03:03:00
Doğuş fizioloji proses olub dölün uşaqlıq boşluğundan xaric olunması deməkdir. Bu hamiləliyin 40 həftəsində baş verir. Doğuşun baş vermə səbəbləri müxtəlifdir. Hamiləliyin axırında qadın orqanizmində çoxlu dəyişikliklər baş verir ki, bu da doğuşun başlamasına səbəb olur. Belə ki, hamiləliyin axırında baş-beyin qabıq maddəsinin oyanması baş verir. Onurğa beyin, uşaqlığın əzələ və sinir elementlərinin də oyanıqlıqları artır ki, bu zaman uşaqlıqda mexaniki, kimyəvi qıcıqlar çoxalır. Hamiləliyin sonlarında dölün böyüməsi, dölyanı mayenin çoxalmasına səbəb olur. Bu səbəbdən hamilə qadının orqanizmində kimyəvi maddə ifrazı artır. Bir yandan hamiləliyin sonunda uşaqlığın aoyanıqlığının artması, digər yandan kimyəvi qıcıqların artması uşaqlığın sinir elementlərinə təsir edir. Sinir ucları bioloji maddə ifraz edir ki, bu da uşaqlıqda fəallığı artırır və doğuş başlayır. Doğuşun başlanmasının bildlrən əlamətlər aşağıdakılardır: - uşaqlığın dibinin enməsi - dölün başı çanaq girəcəyinə dirənir - uşaqlıq boynu yumşalır - oma və qarınin alt hissəsində sancılar baş verir - dölyanı suyun açılması baş verir. Doğuşun başlamasını bildirən əsas əlamət isə uşaqlığın tənzim olmayan yığılması və uşaqlıq boynunun ifrazatının olması. Uşaqlıq əzələsinin yığılması doğuşun əsas qovucu qüvvəsi sayılır. Bu zaman sancılar başlayır, əvvəl gec-gec, sonralar isə tezləşərək baş verir. Daha sonra hamilə qadına doğuşun ikinci pilləsi olan güc gəlir və qadın güc verməklə dölün uşaqlıqdan xaric edilməsinə yardım edir.
2023-02-02 01:01:00
Hamiləlik vaxtı qadınların endokrin sistemində bir sıra dəyişikliklər baş verir. Hamiləliyin əvvəllərində yumurtalıqlarda gedən proseslər, əsasən də hamiləlik sarı cismdə progesteronun hormon ifrazına səbəb olur. Mayalanma baş verdikdə fgollikul inkişaf etmir, yetişmir, partlamır, yəni ovulyasiya getmir. Bu da sarı cismin hormonlarının hesabına baş verir. Hamiləliyin ikinci yarısında sarı cismin işini və funksiyasını cift görür. Cift daxili sekresiya vəzilərinin ən aktiv rolunu oynayır. Burada estrogen, cift laktogeni, progestron, qonodotropin və s. hormonlar, eyni zamanda bioloji aktiv maddələr (oksitasın, relaksin, vazopressin) əmələ gəlir. Bu hormonların miqdarı hamiləliyin miqdarından asılı olaraq dəyişir. Belə ki, hamiləliyin birinci yarısında doğum fəaliyyətinin hormonları, ikinci yarısında isə estrogen hormonlarının miqdarı çoxalır. Hamiləliyin axırında oyanıqlığın artmasında progestronlar artır və əsas fəaliyyətə malik olurlar. Hipofiz. Hamiləlik vaxtı hipofizin ön payı hüceyrələrinin çoxalması və qalınlaşması hesabına hipofiz vəzi böyüyür və hormon ifraz edir. Hipofizin hormonu qonodotropin sarı cismin hesabına çoxalır. Hipofizin ön payı aşağıdakı hormonların və üzvlərin fəaliyyətini stimulyasiya edir. - döş vəzi funksiyası - qalxanvari vəzi - böyrəküstü vəzi - boy hormonu. Hipotalamusun nüvəsində oksitasinin əmələ gəlməsi çoxalır ki, bu da hamiləliyin axırında və doğuş vaxtı sancıların əmələ gəlməsidə rol oynayır. Qalxanabənzər ətraf vəzi. Hamiləlik zamanı Ca mübadiləsində rol oynayır. Hamiləlik dövründə əzələlərdə qıcolma tutmalarının olması Ca çatışmazlığı səbəbindən baş verir. Böyrəküstü vəzi. Burada kartizon, hidrokartizon hormonları ifraz olunur ki, bu da hamiləlik dövründə zülal və karbohidrat mübadiləsinin tənzimlənməsinə yardım edir.
2023-02-02 00:01:00
Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir
2023-02-01 22:30:00
Galaxy S23 Ultra-nın ən qabaqcıl kamerası, təkmilləşdirilmiş oyun təcrübəsi və daha ekoyönlü dizaynı Samsung-un ən innovativ Galaxy S seriyasında
2023-02-01 21:57:00
Seçim mərhələsinə qatılmış bəzi ifaçıların şəxsi sosial səhifələrində son iki gün ərzində yaydıqları məlumatlar böhtan xarakterli iddialardır.
2023-02-01 21:51:00
Planetlərin hərəkətləri və enerjiləri birbaşa bürclərə təsir göstərir. Astroloqlar bu hərəkətləri şərh edir və bürclərə təsirlərini aşkar edirlər.
2023-02-01 21:30:00
Bu gün saat 19:15-də "Azərbaycan Dəmir Yolları" QSC-yə məxsus yük qatarı Abşeron-Puta mənzilinin 32-ci km-də hərəkətdə olarkən Lökbatan qəsəbə sakini 1981-ci il təvəllüdlü Zaur Ağababa oğlu Cavadov qəflətən qatarın yoluna çıxıb.
2023-02-01 21:20:00
Bakı Nəqliyyat Agentliyi dayanma və ya durma qaydalarının pozulmasına görə cərimə edə bilməyəcək.
2023-02-01 21:15:00
Fevral maqnit qasırğasının aktivliyinin ən təhlükəli dövrü olmayacaq, lakin meteohəssaslara çoxlu narahatlıq gətirəcək.
