Bunu Trend-ə açıqlamasında Minalar Əleyhinə Azərbaycan Kampaniyası İctimai Birliyinin sədri Hafiz Səfixanov deyib.

Onun sözlərinə görə, bu təmizləmənin öz beynəlxalq standartları var.

"Qadınların minatəmizləməyə cəl edilməsi son illər dünyada bir trend halını alıb. Ümumiyyətlə minatəmizləmədə gender bərabərliyinin qorunması dünyada başlayıb. Dünyanın bir çox ölkələrində qadınlardan ibarət minatəmizləmə qrupları vardır ki, onlar yüksək peşəkarlıqla fəaliyyət göstərirlər. İnanıram ki, bizdəki qadınlardan ibarət minatəmizləmə komandası da kifayət qədər peşəkar biliyə və təcrübəyə malik olacaq və ölkəmizin minalanmış ərazilərinin təmizlənməsində fəal iştirak edəcək."

H.Səfixanovun sözlərinə görə, bundan başqa minatəmizləyən maşınların alınması və itlərin sayının artırılması nəzərdə tutulub.

"Beynəlxalq təşkilatların Azərbaycanın mina probleminə yanaşmasında dəyişiklik yoxdur. Belə ki, təşklatların köməyi kifayət deyil. Ötən həftə Cenevrədə keçirilən tədbirdə Azərbaycanın mina probleminin və bu problemlə mübarizədə gördüyü işlər beynəlxalq ictimaiyyətin diqqətinə çatdırıldı. Beynəlxalq təşkilatlar kömək etməlidir ki, mina problemi tez həll olunsun", - deyə o qeyd edib.