Seyyidlərin payı

Digərləri 12 Fev 2023 21:40:00 240 0

Sual 94: Kişi öhdəsində olan xərclərin ödənməsi üçün seyid zövcəsinə və övladlarına (məsələn yemək və geyim üçün) seyid payından verə bilərmi?

(Məkarim, Xamenei və Vəhiddən başqa) Bütün müctəhidlərin rə`yi: Vacib ehtiyata əsasən icazə verilmir.

Məkarim, Xamenei və Vəhid: Xeyir, icazə verilmir.

Sual 95: Kişi öz seyid zövcəsi və övladlarına onun öhdəsində olmayan xərclərinə sərf etmələri üçün seyid payından verə bilərmi?

İmam (r) və Xamenei: Şər`i hakimin icazəsi olmadan icazə verilmir.

Behcət, Fazil, Məkarim, Nuri və Vəhid: İmamın (ə) payını şər`i hakimin icazəsi olmadan verməyə icazə yoxdur. Seyidlərin payını isə vacib ehtiyata əsasən şər`i hakimin icazəsi ilə verməlidir.

Təbrizi, Sistani və Safi: Seyidlərin payını vermək olar. Lakin imamın (ə) payı şər`i hakimin icazəsi ilə verilməlidir.

Sual 96: Seyid ata övladının təhsil xərclərini xümsdən ödəyə bilərmi?

İmam (r) və Xamenei: Şər`i hakimin icazəsi olmadan icazə yoxdur.

Behcət, Fazil, Məkarim, Nuri və Vəhid: İmamın (ə) payını şər`i hakimin icazəsi olmadan verməyə icazə yoxdur. Seyidlərin payı isə vacib ehtiyata əsasən şər`i hakimin icazəsi ilə verilməlidir.

Təbrizi, Sistani və Safi: Seyidlərin payını vermək olar; lakin imamın (ə) payı şər`i hakimin icazəsi ilə verilməlidir.

Qeyd: Təhsil xərcləri dolanışıq və vacib xərclərdən deyil.

Sual 97: Xümsü ehtiyaclı seyid tələbəyə verə bilərikmi?

İmam (r) və Xamenei: Şər`i hakimin icazəsi olmadan bu işə icazə yoxdur.

Fazil, Nuri, Məkarim, Behcət və Vəhid: İmamın payını şər`i hakimin icazəsi olmadan vermək olmaz. Seyidlərin payı isə vacib ehtiyata əsasən şər`i hakimin icazəsilə verilməlidir.

Təbrizi, Sistani və Safi: Seyidlərin payını vermək olar. Lakin imamın (ə) payı şər`i hakimin icazəsi ilə verilməlidir.

Sual 98: İlin xərcindən artıq ruzisi olan seyidə xüms vermək olarmı?

Bütün müctəhidlərin rə`yi: Xeyr, seyidlərin payının verilməsində fəqirliyin nəzərə alınması şərtdir.