Son.az xəbər verir ki, məlumat sosial şəbəkələrdə yayılıb.

Bildirilir ki, Gülnar Hacıyeva artıq bir aydır başqa şəxslərin evində qalır.

"Məsələnin Təhsil Nazirliyi ilə bağlı olduğunu bildiriblər. Nazirlik isə bu barədə sorğuya cavab verməyib. Uzun illər teatrda, müxtəlif dövlət əhəmiyyətli tədbirlərdə rejissor kimi fəaliyyət göstərmiş, həyatını işinə həsr etmiş, aldığı əməkhaqqı ilə gündəlik qayğılarını güclə ödəyən xanım çətin vəziyyətdə qalıb", - paylaşılan məlumatda qeyd olunub.

Məsələ ilə bağlı Azərbaycan Dillər Universitetinin (ADU) Mətbuat Xidmətindən oxu.az-a verilən açıqlamada bildirilib ki, universitetin iki yataqxanasında 200-ə yaxın məcburi köçkün ailəsi yaşayır və onların qeydiyyatı tamamdır. Buna görə də hər hansı narahatlıq yoxdur.

"Gülnar Hacıyeva isə 17 ilə yaxındır həmin yataqxanada yaşasa da, məcburi köçkün kimi ADU-nun yataqxanasında qeydiyyatda deyil. Hazırda yataqxanalarla bağlı tələbə əsasən rəsmi şəkildə qeydiyyatı olmayan, yəni Qaçqın və Məcburi Köçkünlərin işləri üzrə Dövlət Komitəsinin müvafiq ünvanı üzrə qeydiyyatı olmayan şəxslərə həmin ünvanı tərk etməklə bağlı xəbərdarlıq olunub.

Buna baxmayaraq, vətəndaş tələbələrə məxsus yataqxananı tərk etmək istəmir. Xahiş edirik ki, vətəndaş xəbərdarlığı nəzərə alsın. Təəssüf ki, vətəndaşı yataqxanada otaqla təmin etmək bundan sonra imkan xaricindədir".