Türkiyədə hərbi çevriliş cəhdindən 9 il ötür
Digərləri 15 Tem 2025 14:14:00 86 0
Bu gün Türkiyədə Terror Təşkilatı (FETÖ) tərəfindən 2016-cı il iyulun 15-də həyata keçirilən hərbi çevriliş cəhdinin qarşısının alınmasının 9-cu ildönümü qeyd olunur.Ölkənin müxtəlif bölgələrində anım tədbirləri və şəhidlərin xatirəsinə həsr olunmuş mərasimlər keçirilir.
Bu haberi de oku: Bu dərmanlara boşuna pul xərcləməyin Dövlət pulsuz verir SİYAHI
Son.az xəbər verir ki, 9 il əvvəl, 2016-cı ilin həmin gecəsində FETÖ-yə bağlı hərbi qüvvələr tərəfindən dövlət çevrilişinə cəhd edilib. Çevriliş zamanı 35 hərbi təyyarə, 37 helikopter, 246 zirehli texnika (74 tank daxil olmaqla) və minlərlə yüngül silah istifadə olunub. Təxminən 9 min hərbçi bu qanunsuz prosesə cəlb edilmişdi.
Qanlı gecədə 265 nəfər həyatını itirib, 2800-dən çox insan yaralanıb. Onlardan 150-si Ankarada, 99-u İstanbulda, 2-si isə Muğlada şəhid olub.
Türkiyə xalqı və dövlət strukturları Prezident Rəcəb Tayyib Ərdoğanın liderliyi ilə çevrilişə qarşı qətiyyətli mövqe sərgiləyərək, demokratik quruluşu qorumağı bacarıb. Hadisə FETÖ-nün dövlətin içində illərlə qurduğu gizli şəbəkəni tam şəkildə ifşa edib.
Çevriliş cəhdinin qarşısı alındıqdan sonra Boğaziçi körpüsünün adı "15 İyul Şəhidlər Körpüsü" olaraq dəyişdirilib və Ankarada "15 İyul Şəhidləri Abidəsi" ucaldılıb.
2016-cı ildən bəri 15 iyul Türkiyədə Demokratiya və Milli Birlik Günü kimi rəsmi şəkildə qeyd olunur.
Nərmin Son.az