Son.az türk mediasına istinadla xəbər verir ki, Menderesin Kuyucak məhəlləsi ilə Seferihisarın Orhanlı məhəllələri arasında başlayan yanğın güclü küləyin təsiri ilə sürətlə yayılaraq geniş əraziyə ziyan vurub. Alovlar Orhanlı, Payamlı, Atatürk, Cümhuriyyət və Kavakdere məhəllələrinə qədər çatıb.

Yanğına Meşə Ümumi Müdirliyinə bağlı 18 təyyarə və 10 helikopter havadan, 40 su tenderi, 10 su təchizatı maşını və 4 dozerlə isə qurudan müdaxilə olunub. Qrupların səylərinə baxmayaraq, alovun qarşısını almaq külək səbəbilə çətinləşib.

Hazırda bölgədə təxliyə işləri davam edir və hüquq-mühafizə orqanları əhalini alovun təsir dairəsindən uzaqlaşmağa çağırır.

Fidan Son.az