Son.az xəbər verir ki, əməliyyat çərçivəsində İstanbul Böyükşəhər Bələdiyyəsinin Mətbuat, Yayım və İctimaiyyətlə Əlaqələr Şöbəsinin müdiri Taner Çətin də daxil olmaqla 22 nəfər haqqında həbs qərarı çıxarılıb.

Qərara uyğun olaraq saxlanılma və axtarış əməliyyatlarının davam etdiyi bildirilib.

Əməliyyatla əlaqədar İstanbul Respublika Prokurorluğundan edilən şərhdə; "Əməliyyat çərçivəsində 22 İBB işçisi, şirkət nümayəndələri və şirkət işçiləri hədəf şəxs kimi müəyyən edilərək, aidiyyəti şəxslər barəsində saxlanılma, axtarış və götürmə istintaqı qərarları qəbul edilib", - bildirilib.