Son.az xəbər verir ki, bu, Birləşmiş Ərəb Əmirliklərinin (BƏƏ) ən böyük şəhərində daşınmaz əmlaka dair məlumatların mətbuata sızdırılması nəticəsində üzə çıxıb. Jurnalistlərin əldə etdiyi məlumata görə, Edilgiriev ilk villasını 2022-ci ilin dekabrında alıb. Obyekt 1026 kv.m-dir. Palm Jumeirah ekzotik adasında malikanə ona 53 milyon dirhəmə və ya 14,4 milyon dollara başa gəlib.

Edilgiriev villanı almazdan əvvəl onu lüks, rahatlıq və eksklüziv məxfilik axtaran qonaqlara kirayə verirmişlər. "Ukrainska Pravda" araşdırmasında daha əvvəl yazmışdı ki, Ramzan Kadırov bu villadan təxminən 2014-cü ildən Çeçenistanın "qeyri-rəsmi səfirliyi" kimi istifadə edirmiş. Bu evdə Çeçenistan Respublikası başçısının ərəb və müsəlman ölkələrindəki o vaxtkı nümayəndəsi, Kadırovun digər bibisi oğlu Turko Daudov da qalıb. Məhz onun səyləri sayəsində Yaxın Şərq ölkələri Ukraynadakı müharibəyə görə Rusiyaya qarşı sanksiyalara qoşulmayıb.

2023-cü ilin oktyabrında Edilgiriev Dubayda daha üç lüks villa alıb. Onlar şəhərin materik hissəsində yerləşir və ümumi dəyəri təxminən 6 milyon dollardır. Edilgiriyev Kadırovun üç əmisi oğlundan ən kiçiyidir. Onların anası Ramzanın atası Axmat Kadırovun doğma bacısıdır. Qardaşların ən böyüyü Amrudi Edilgiriyev Çeçenistan hökumətində müxtəlif vəzifələrdə çalışıb və hazırda respublikada məscidlərin tikintisinə cavabdehdir. Orta qardaş Pahruddi Edilgiriev Kadırovun təhlükəsizlik xidmətinin üzvü kimi çalışıb və hüquq müdafiəçisi Məhəmməd Abduraxmanova qarşı sui-qəsdin hazırlanması ilə əlaqədar Avropa İttifaqı tərəfindən axtarışa verilib.

Kadırovun BƏƏ ilə güclü əlaqələri var. "Ukrainska Pravda"nın jurnalistlərinə görə, təkcə 2021-2022-ci illərdə onun şəxsi təyyarəsi bu ölkəyə azı 14 dəfə uçub. Kadırov Rusiya prezidenti Vladimir Putini BƏƏ-yə rəsmi səfərləri zamanı dəfələrlə müşayiət edib və ölkə prezidenti Şeyx Məhəmməd bin Zayed Əl Nəhyanı "əziz qardaş" adlandırıb.(Modern.az)