Bunu Trend-ə açıqlamasında hərbi ekspert Üzeyir Cəfərov deyib.

O bildirib ki, Ermənistan tərəfi həm bəyanatlarında, həm də danışıqlarında həddindən aertıq qeyri-səmimidir: "Bu da zaman-zaman özünü göstərir. Əgər Ermənistan bölgədə doğrudan da sülh istəsəydi, həm üçtərəfrli bəyannamənin müddəalarını yerinə yetirərdi, həm danışıqlara sadiqlik nümayiş etdirərdi. Düşünürəm ki. bugünki təxribat sabah Moskvada iki ölkənin xarici işlər nazirləri arasında baş tutacaq görüşdən öncə danışıqlar üçün bir elementdir, mövzudur. Amma Ermənistan bundan sonra da təxribatlarını davam etdirəcək. Düşünmək lazım deyil ki, Ermənistan ağıllanıb. Necə ki ötən il dekabrın 7-də imzalanması gözlənilən sənədi Ermənistan 6 aydır ki gecikdirir, bundan sonra da çalışacaq ki prosesi uzatsın. Məqsəd yalnız Rusiya sülhməramlılarının bölgədə qalma müddətini uzatmaq, o cümlədən hansısa sperkulyativ yollarla müəyyən kompramislərə nail olmaqdır. Onlar bilirlər ki. Azərbaycan heç vaxt imkan verməyəcək ki, sülh müqaviləsinə artıq müddəa salınsın. Ona görə də bu təxribat yaxın vaxtlarda yenə də təkrar olunacaq. Bunlar hamısı iyunun əvvəlində iki ölkə liderlərinin planlaşdırılan görüşünü pozmaq, sülh müqaviləsinin qeyri-mümkünlüyünü reallaşdırmağa cəhddir".