Gəncə şəhərində 1989-cu il təvəllüdlü Aybəniz şəxsi münasibətlər zəminində yaranan münaqişə zamanı tanışı Əliyə (adlar şərti verilib - red.) xəsarət yetirib.

Son.az bildirir ki, teleqraf.com-un əldə etdiyi məlumata görə, hadisə 6 dekabr 2021-ci ildə Gəncənin Təbriz küçəsində yerləşən "Lukoil " adlanan yanacaqdoldurma məntəqəsində baş verib.

Orada Aybənizlə Əlinin arasında şəxsi münasibətlər zəminində münaqişə yaranıb. Münaqişə zamanı Aybəniz ona bıçaqla xəsarətlər yetirib.

İstintaq orqanı tərəfindən Aybənizin barəsində Cinayət Məcəlləsinin 126.1-ci (qəsdən sağlamlığa ağır zərərvurma) və 221.3-cü (silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunan xuliqanlıq hərəkətləri törətmək) maddələri ilə ittiham elan edilib.

"Ərimdən boşanmışam"

Cinayət işi üzrə təqsirləndirilən şəxs qismində ifadə verən Aybəniz ona elan olunmuş ittiham üzrə özünü təqsirli bilib.

O bildirib ki, ailə üzvləri ilə birlikdə Daşkəsəndə qeydiyyatda olsa da, Gəncə şəhərində mərmər sexinin yanında fərdi yaşayış evində kirayədə qalır: "Himayəmdə azyaşlı övladım var. Əlini bıçaqla vurmamışdan iki gün əvvəl tanımışam. Onunla heç bir düşmənçiliyim və yaxud ədavətim olmayıb.

"Lukoil" yanacaqdoldutrma məntəqəsində xadimə işləyirdim. Ərimdən ayrıldıqdan sonra iki azyaşlı övladlarımdan biri atasında qalıb, biri isə mənim himayəmdədir. Övladımı bağçaya qoyuram. İşdən evə və uşağı bağçadan iş yerinə gətirən zaman çox vaxt Gəncə-Daşkəsən avtomobil yolunun kənarında təsadüfən həmin istiqamətə gedən tanımadığım avtomobillərə əl edirdim.

Avtomobillərdən saxlayan olanda maşına minib uşağımı bağçadan götürürdüm və yaşadığım evə gedirdim".

"Mənə "bacı" deyə müraciət etdi"

Təqsirləndirilən şəxs qeyd edib ki, dekabrın 4-də səhər tezdən yaşadığı Savalan küçəsindən iş yerinə gəlmək üçün "Mercedes" markalı avtomobilə əl edib: "Xahiş etdim ki, məni işlədiyim "Lukoil" yanacaq doldurma məntəqəsinə aparsın. Sürücü də razılaşdı. Uşaqla avtomobilə əyləşdim. Yolda sürücü özünün hərbçi olduğunu bildirdi. Məndən mobil nömrəmi istədi ki, evimlə iş yeri arasında olan məsafəni tez-tez gedib-gəlir, lazım olsa məni də avtomobili ilə aparıb-gətirsin.

Mən də mobil nömrəmi ona verdim. Həmin şəxs mənə "bacı" deyə müraciət etdi. Dedi ki, nə vaxt lazım olsa, avtomobili ilə məni işdən evə və ya əksinə aparacaq. Sonra məni yanacaqdoldurma məntəqəsində düşürdü".

"Bildirdi ki, ərin yoxdur, sənə kişi lazımdır"

Aybənizin sözlərinə görə, həmin günü günorta saatlarında Əli ona zəng edib: "Dedi ki,səhər tezdən səni maşınla aparan şəxsdir. Dedim, lap yaxşı. Sonra qayıtdı ki, o da boşanıb və boşanmış bir qadın kimi məndən xoşu gəlir, mənimlə cinsi əlaqədə olmaq istəyir, lazımdırsa otel danışsın. Mən də ona düşündüyü kimi qeyrətsiz qadın olmadğımı bildirdim. Ona boşanmağına inanmadığımı da dedim. Həmin vaxt Əli evli olduğunu etiraf etdi. Bildirdi ki, onsuz da ərin yoxdur, sənə də kişi lazımdır, məni arvad kimi saxlaya bilər.

Dedi ki, çox vəzifəli şəxsin arvadını altından çıxarıb saxlayıb, çox qeyrətli qadını yoldan çıxarıb. Sonra söylədi ki, birinci günü axşam işdən çıxandan sonra otel danışacaq və mənimlə oteldə cinsi əlaqədə olacaq. Tapşırdı ki, uşağı müvəqqəti saxlamaq üçün harasa qoyum. Mən də cavabımda dedim ki, dünya dağılsa da, uşağı heç kimin yanına qoymayacam.

Üstəlik bildirdi ki, oteldə mənimlə iyrənc formada, arxa və qabaq nahiyədən cinsi əlaqədə olacaq.

Əlinin mənə əxlaqsız təkliflər etməyi çox pisimə gəldi, ondan qisas almaq fikrinə düşdüm. Ona görə də birinci günü oteldə mənimlə cinsi əlaqədə olmaq təklifinə "hə" dedim. Məqsədim o idi ki, Əli məni otelə aparsın, ondan sonra onunla baş-başa qalım və bıçaqla onu vurub başa salım ki, əxlaqsız qadın deyiləm".

"Dedi ki, avtomobildə də əxlaqsız hərəkətlər edərəm"

Aybənizin ifadəsinə görə, səhəri günü Əli yenə də ona zəng edib: "Bildirdi ki, birinci gün axşam işdən çıxandan sonra ötelə gedəcəyik. Oteldə əvvəlcə mənim seksin iyrənc formasını edəcəyimi, sonra isə təbii və qeyri-təbbi yolla cinsi əlaqədə olacağımızı söylədi. Əlini inandırmaq üçün cavab verdim ki, narahat olma, otelə gedəcəyik və hansı formada desən, səninlə həmin formada cinsi əlaqədə olacam. Həmçinin dedi ki, avtomobildə qabaqda oturaram, orda da əxlaqsız hərəkətlər edərəm. Etiraz etdim ki, avtomobildə arxada oturacam. Ona bildirdim ki, onsuz da otelə gedirik, nə lazımdırsa orada edərəm.

Əlinin sözləri və mənə əxlaqsızlıq təklif etməsi çox pisimə gəldi. Yaşadığım evdə mətbəxdən kiçik ölçülü bıçağı götürüm və əl çantama qoydum ki, Əli ilə görüşəndə onu vurum".

"Mənə əxlaqsız təkliflər etdiyi üçün bıçaqla vurduğumu dedim"

Təqsirləndirilən şəxs qeyd edib ki, həmin gün səhər saat 7 radələrində azyaşlı oğlu ilə yoldan keçən tanımadığı avtomobillə Gəncə-Qazax avtomobil yolunda yerləşən və Daşkəsən rayonuna gedilən böyük körpünün altına gedib: "Orada Əliyə zəng etdim və dedim ki, onu gözləyirəm, gəlsin.

Əli gəldi, azyaşlı oğlumla avtomobilin arxa oturacağında əyləşdim. Dedim ki, telefonda mənə etdiyi əxlaqsız təklifləri üzümə desin. O üzümə qarşı əvvəlki gün dediklərini təkrarladı. Əsəbi formada dedim ki, sür avtomobili, gedək. Bildirdim ki, avtomobili işlədiyim yanacaqdoldurma məntəqəsinə sürsün, guya uşağın sənədlərini götürəcəm.

Məqsədim o idi ki, Əlini elə işlədiyim yanacaqdoldurma məntəqəsində bıçaqla vurum, birdən hərəkətdə olan zaman vuraram, avtomobil qəzaya düşər, övladım da xəsarət alar.

Biz avtomobillə yanacaqdoldurma məntəqəsinə daxil olan kimi çantamda olan bıçağı çıxardım və Əliyə əvvəlcə sağ bədən nahiyəsinə iki dəfə vurdum. Əli avtomobil hərəkətdə ola-ola sol ayağını avtomobildən yerə saldığı üçün 4-5 dəfə də onun buduna vurdum.

Əli avtomobili saxlayıb yerə düşdü, mən də sürücü tərəfdən avtomobildən endim. Onu yenidən bıçaqla vurmaq istədim. Lakin Əli məndən aralaşdığı, yanacaqdoldurma məntəqəsində işləyən şəxslər mane olduğu üçün onu daha vura bilmədim. Ancaq əsəbdən həm əlimdə olan bıçaqla, həm də ayağımla Əlinin maşınına zərər vurmağa başladım.

Əli avtomobilə əyləşdi və yanacaqdoldurma məntəqəsindən uzaqlaşdı. Mən də bıçağı yanacaqdoldurma məntəqəsində özümə məxsus otaqda pəncərənin yanına qoydum. Sonra oğlumu bağçaya apardım. Daha sonra qayıdıb təmizlik işlərini gördüm. Sonra polisə gedərək tanımadığım bir nəfəri mənə əxlaqsız təkliflər etdiyi üçün bıçaqla vurduğumu dedim".

"Uşağa rəhmim gəldi"