"Rusiya Ermənistanın siyasi emansipasiyasını onu qıcıqlandıran fakt kimi qəbul edir. Ermənistan Rusiyanın əleyhdarları ilə nümayişkaranə yaxınlaşma yolunu tutur və beləliklə də Rusiya tərəfindən bağışlanmayan günahlar qazanır. Onun mövcud siyasəti incə xətt üzərindədir. İstənilən düşünülməmiş addım ilk növbədə özünə ziyan gətirəcək.

Ermənistan ya Rusiyadan, ya da Qərbdən asılı olmaqla müstəqil xarici siyasət yürüdə bilmir. Məhz onu bəlalara düçar edən başlıca amil də budur. Təbii ki, Rusiyanın Ermənistana qarşı hazırki siyasətinə toxunarkən sözügedən ölkənin Azərbaycana qarşı olan mövcud baxışına da diqqət yetirməliyik. Bunun üçünsə beynəlxalq aləmə çıxmaq kifayətdir ki, xəbərdar olasan.

Aparıcı beyin mərkəzləri də bildirirlər ki, bu gün Rusiyanın Ermənistana kömək edəcəyi bir şey varsa, sözün əsl mənasında Azərbaycanla münasibətləri korlayacaq heç nəyi yoxdur. Nə Rusiya hakimiyyətinin, nə də Rusiya cəmiyyətinin kifayət qədər əsası var ki, Azərbaycandan rahatlıqla və məmnuniyyətlə narazı olsun. Ermənistan üçünsə bunu demək çətindir.

Deməli, Rusiya üçün təkcə Ermənistanın siyasi və diplomatik olaraq hücuma məruz qalması deyil, həm də bu hücumun kim tərəfindən tətbiq edilməsi vacibdir. Nəqliyyat və kommunikasiyaların açılması ilə bağlı da demək olar ki, Rusiya ilə yaxın mövqeyi bölüşürük. Düzü, düşünmürəm ki, Rusiyanın Cənubi Qafqazdakı mövqeləri zəifləsin. Ermənistan vasitəsilə bunun edilməsinə isə heç imkan verilməyəcək.

Azərbaycan postsovet məkanında həmişə elə bir nümunə olub ki, öz maraqlarını təmin etmək istiqamətində müstəqil xarici siyasət yürütsün. Azərbaycan bir tərəfdən də enerji və inteqrasiya layihələrinin vermiş olduğu dividentlər vasitəsilə uğurlar qazanır. Laçın yolundakı aksiya ilə mərhələli şəkildə hədəflərimizə çatırıq. Ermənistan ilk növbədə öz aqibəti haqqında düşünməlidir. Prezident İlham Əliyevin də qeyd etdiyi kimi 2023-cü il Ermənistan üçün son şansdır". 

Təhməz Əsədov Son.az