"Ərdoğan siyasi arenada siyasi dünya görüşü və iradəsi ilə digər liderlərdən seçildi"

Siyasət 06 Yan 2023 12:39:00 471 0

"2023-cü ildə Türkiyədə prezident seçkiləri keçiriləcək. Seçkilərin vaxtı isə iyun ayının 18-nə təyin olunmuşdu. Ancaq ölkənin daxilində və xaricində baş vermiş hadisələrlə bağlı olaraq seçkilər mayın 14-ündə keçirilməsinin vacib olunması bildirilib".

Bu sözləri SİA-ya açıqlamasında politoloq Elşad Həsənov deyib.

Onun sözlərinə görə, bu seçkilər nə ilə yadda qala bilər və nə baxımından önəm kəsb edir. Bildiyimiz kimi 2023-cü il Türkiyə üçün böyük önəm daşıyır. Türkiyə son illərdə dünyada tanınan və inkişaf edən bir ölkəyə çevrildi. Xüsusi ilədə Türkiyə prezidenti Rəcəb Tayyib Ərdoğan cənabları siyasi arenada öz bacarıqları və siyasi dünya görüşü ilə və iradəsi ilə digər liderlərdən seçildi. Bildiyimiz kimi 2022-ci ildə baş verən Rusiya-Ukrayna müharibəsinin qarşısının alınmasında danışıqların aparılması məhz Ərdoğanın sayəsində oldu. Bir neçə dəfə İstanbulda, Ankarada Ukrayna tərəfi ilə Rusiya tərəfi arasında görüşlər oldu. Əsas məsələlərdən biri də, Ukraynanın dünya bazarına tədarük gördüyü taxılın Rəcəb Tayyib Ərdoğan BMT-nin baş katibi ilə səy göstərərək Ukrayna taxılı dünya bazarlarına çıxarıldı. Bununla bağlı dünya mətbuatında Ərdoğanın 2022-ci ildə Sülh Nobel mükafatı verilməsi məsələsi Qərb mətbuatında qaldırıldı. Çünki heç kimin edə bilmədiyini Ərdoğan bacarmışdı. Ərdoğan həm də ölkə iqtisadiyyatını inkişaf etdirdi, onun hakimiyyəti dövründə Türkiyənin hərbi, siyasi gücü artdı. Xüsusi ilə "Bayraktar" yeni tip bir silah kimi səs saldı. Onun dünyada ilk dəfə 2020-ci ildə Azərbaycanın Vətən müharibəsində istifadə olunmasıda çox böyük bir uğur idi. Bu yeni bir silah növü kimi tarixə düşdü. Bu gündə Rusiya-Ukrayna müharibəsində belə pilotsuz dronların və silahların müharibənin gedişində böyük təsiri olur. Bu silahlar daha da inkişaf etdirilir. Bunlar onu göstərir ki, Türkiyədə olan seçkilər də Ərdoğan yenidən prezident seçiləcək və uzun illər Türkiyə üçün əlindən gələni edəcək".