Müəlliflər üçün yığılan qonorarın illik 5 faizi Müəllif Hüquqları Agentliyinə ödəniləcək
İqtisadiyyat 09 Fev 2018 23:54:11 366 0
Vəsait hər növbəti ilin 1 aprel tarixinədək agentliyin hesabına köçürülməlidir
Əmlak hüquqlarını kollektiv əsasda idarə edən təşkilatlar hesabat ili ərzində müəlliflər və əlaqəli hüquq sahibləri üçün yığdıqları qonorarın 5 (beş) faizi həcmində Müəllif Hüquqları Agentliyinə illik haqq ödəyəcəklər.
“Report” xəbər verir ki, bu barədə qərarı Baş nazir Artur Rasi-zadə imzalayıb.
Nazirlər Kabinetinin qərarına görə, sözügedən illik haqq hər növbəti ilin aprel ayının 1-dək Müəllif Hüquqları Agentliyinin hesabına köçürülməlidir.
Mənbə: report.az