Bakıda ICAO-nun Avropa regional ekspert qrupunun müşavirəsi keçirilir
İqtisadiyyat 05 Okt 2017 11:29:03 398 0
Tədbirdə 15 ölkənin, 5 beynəlxalq və regional təşkilatın, “Boeing” və “Airbus”un nümayəndələri iştirak edirlər
Administrasiyadan "Report"a daxil olan məlumta görə, konfransda 15 ölkədən, eyni zamanda beş beynəlxalq və regional təşkilatdan (ICAO, IAC, EASA, IATA, Eurocontrol) təxminən 65 mütəxəssis, həmçinin iri aviasiya istehsalçıları – “Boeing” və “Airbus”un nümayəndələri iştirak edirlər.
Müşavirənin işi çərçivəsində ilk iki gündə taksonomiya və uçuşların təhlükəsizliyi üzrə praktiki seminarlar keçirilib.
Konfransın ilk günlərinin yekunlarına əsasən, qrupun işinin nəticələri bəyənilib və regional səviyyədə uçuşların təhlükəsizliyi sahəsində təşəbbüslərin reallaşdırılması istiqamətində növbəti addımlar planlaşdırılıb.
Azərbaycanın aviasiya hakimiyyətinin, ICAO, IATA, IAC, "Eurocontrol"un nümayəndələri və digər rəsmi şəxslər məruzələr ilə çıxış ediblər.
IE-REST qrupu 2013-cü ildə ICAO-nun Avropa və Şimali Atlantika Bürosunun təşəbbüsü ilə yaradılıb. Qrupun əsas məqsədi uçuşların təhlükəsizliyi səviyyəsinin artırılması üzrə təşəbbüs və tədbirlərin hazırlanması və dəstəklənməsidir. Hazırda belə tədbirlər regional və beynəlxalq təşkilatların, tənzimləyici orqanların, aviaşirkətlərin və hava gəmiləri istehsalçılarının birgə səyləri ilə həyata keçirilir.