Bu fikirləri Trend BİA-nın "Sahil Kərimli ilə Aktual" müəllif videolayihəsinə müsahibəsində təhlükəsizlik orqalnarının veteranı Azər Gərayzadə deyib.

Onun sözlərinə görə, Qırmızı Xaç Komitəsi vasitəsilə bir neçə nəfəri dəyişmək mümkün olurdu.

"1996-cı il may ayının 8-də rəhbərlik göstəriş verdi ki, mən təcili olaraq Rusiyanın Xarici İşlər Naziri Yevqeniy Primakovla Ermənistana getməliyəm. Razılaşdırılmış şəkildə bizdə saxlanılan 36 nəfər erməni girovlarını Ermənistan tərəfinə qaytarmalı idik. 67 azərbaycanlı əsir və girovu isə biz Azərbaycana gətirməli idik. Orada lazım olan proseduraları biz keçirtdik və mayın 10-da geri qayıdırdıq. Azərbaycan əsir və girovlarını təyyarəyə mindirəndən sonra siyahı məndə olduğu üçün mən onları saydım. Siyahıya uyğunlaşmağını yoxladım. Gördüm bir nəfər çatmır. Artıq elə məqam idi ki, trapı da yığışdırırdılar. Təyyarə uçmağa hazırlaşırdı. Mən Primakova yaxınlaşdım. Dedim ki, siyahıda 67 nəfər göstərildiyi halda təyyarədə 66 nəfərdir. Gərgin formada öz mühafizəçilərini göndərdi və onlar sayıb qayıtdıqdan sonra ona məruzə elədilər ki, doğurdan bir nəfər çatışmır. Primakov komanda verdi ki, trapı geri qaytarsınlar. Biz onunla düşdük. Mən trapda dayandım.O mühafizəçilərini göndərdi Qırmızı Xaçın maşınları dayanmışdı onlar gedib ordan bir nəfər əsiri götürüb, o biraz ağır gəzirdi, onu təyyarəyə gətirdilər. Bununla da biz bu missiyamızı bitirdik və Bakıya qayıtdıq", - deyə o, əlavə edib.

Onun sözlərinə görə, həmin aeroportda onlar böyük təntənəli qarşılanma mərasimi təşkil olunub.

"Orada respublikada bir çox tanınmış şəxlərimiz, nazirlərimiz digər rəhbər işçilər, jurnalistlər və bunu bayram kimi qəbul edən şəxslər var idi. Bu bir daha sübut edir ki, bu tədbir də Ulu öndər Heydər Əliyevin nəzarətindədir. Ümumiyyətlə əsir və girov məsələsi Ulu öndər Heydər Əliyevin həmişə nəzrətində olub. Heydər Əliyevin bu işə qoşulması ilə nə qədər əsir və girovun ölkəmizə qaytarılmasına nail olundu. Nə qədər ailənin sevincinə səbəb oldu,- deyə o bildirib.