Səbirli, amma sərhədli ünsiyyət Qayınana ilə ünsiyyətdə hörmətli, amma öz sərhədlərini aydın şəkildə bildirən biri olmalısan. Nəzakətli, amma aydın sözlər:

"Sizə hörmət edirəm, amma bu məsələ bizim öz aramızda həll olunmalıdır." "Bu qərarı birlikdə verdik və buna sadiq qalacağıq."

Bəzən "yox" demək də sevgidən olur.

Ərinlə müttəfiq olmağa çalış Əgər ərinin dəstəyi yoxdursa, qayınana problemi 2 qat çətinləşir. Ərinlə sakit bir ortamda açıq danış:

"Mənə olan davranışlar məni yorur."

"Mənim tərəfimdən məsələ belə görünür..."

O səni anlamalı və balans qurmalıdır. Arada qalmaq yox, arxanda durmaq önəmlidir.

Müdaxilənin qarşısını nəzakətlə al Qayınana hər şeyə qarışırsa - geyim, ev düzəni, uşağın tərbiyəsi - sakitcə fikirlərini bildir, amma seçim etdiyini göstər.

Məsələn:

"Bu üsul mənə daha rahatdır, amma məsləhətiniz üçün təşəkkür edirəm."

Əsas odur ki, nə qədər hörmətlə desə də, həddi keçməsinə icazə vermə.

Məkan və məsafə yarat Eyni evdə yaşamaq və ya tez-tez bir yerdə olmaq qayınana ilə konflikt riskini artırır. Əgər mümkündürsə, müəyyən məsafə və şəxsi sahə yarat.

Yəni:

Gün aşırı yox, həftədə 1 dəfə görüşmək.

Mümkünsə ayrı evdə yaşamaq.