Regionlarda məktəbəqədər təhsilə cəlb edilənlərin sayı bəlli oldu
Digərləri 26 Tem 2025 17:52:00 107 0
Regionlarda cari tədris ilində 68 mindən çox, alternativ təlim modelləri vasitəsilə isə 18 mindən çox uşaq məktəbəqədər təhsilə cəlb olunub.
Bu haberi de oku: Bakıda torpaq iyunda kəskin bahalaşıb
Bu barədə Trend-in sorğusuna cavab olaraq Məktəbəqədər və Ümumi Təhsil üzrə Dövlət Agentliyindən məlumat verilib.
Bildirilib ki, məktəbəqədər təhsilin əhatə dairəsinin genişləndirilməsi qarşıya qoyulan əsas hədəflərdəndir:
"Azərbaycan Respublikasının 2022-2026-cı illərdə sosial-iqtisadi inkişaf Strategiyası"nda məktəbəqədər təhsilə cəlb olunmuş uşaqların 1-5 yaşlılara nisbətinin 50 faizə çatdırılması nəzərdə tutulub. Hazırda ölkəmizdə bağça yaşlı uşaqların məktəbəqədər təhsilə cəlb olunma göstəricisi 38% təşkil edir. Paytaxtla yanaşı, regionlarda da məktəbəqədər təhsil xidmətlərinə marağın artırılması və uşaqların təhsilə cəlb olunma səviyyəsinin yüksəldilməsi istiqamətində tədbirlər uğurla həyata keçirilir".
Agentlikdən qeyd edilib ki, son illərdə yeni uşaq bağçalarının istifadəyə verilməsi, mövcud məktəbəqədər təhsil müəssisələrin təmiri və yenidən qurulması işləri davam etdirilir.