Tədbirdə çıxış edənlər uşaqları 1 İyun - Uşaqların Beynəlxalq Müdafiəsi Günü münasibətilə təbrik edib, hər bir uşağa sülh, əmin-amanlıq şəraitində yaşamaq və xoşbəxt gələcək arzulayıblar. 

Samux rayonu Təhsil sektorunun tabeçiliyində fəaliyyət göstərən uşaq bağçası-körpələr evinin kollektivlərinin  bir-birindən maraqlı çıxışları uşaqların könlünə oxşayıb. Şən musiqi və rəqs nömrələri  balacaların qəlbinə sevinc, üzünə təbəssüm gətirib.

Bayram şənliyində Gəncə Dövlət Kukla Teatrının aktyorları uşaqları üçün xüsusi proqramla  çıxış ediblər. 

Sonda uşaqlara xatirə hədiyyələri təqdim olunub.