Bu sözləri SİA-ya açıqlamasında Trend BİA-nın Baş direktor müavini, siyasi şərhçi Sahil Kərimli deyib.

Onun sözlərinə görə, son illər dünyada yaranan yeni nizam və reallıqlar fonunda Azərbaycan Qoşulmama Hərəkatını önə çıxarmağı bacarıb:

"Belə olduğu halda BMT Təhlükəsizlik Şurasının və digər bu kimi qurumların artıq heç bir işə yaramadığı, təsir imkanlarının itirildiyi, xüsusilə də ədalətin və hüququn işləmədiyi gün kimi aydındır. Azərbaycan öz qətiyyətli addımları və praqmatik siyasəti ilə bu reallığı bütün dünyaya göstərib. Xüsusilə də BMT TŞ-nin qətnamələrinin 30 ilə yaxın icra edilməməsini indi dünyada bilməyən yoxdur. Azərbaycan bu qətnamələri öz gücü ilə icra etdi və torpaqlarını işğaldan azad etməklə ədaləti bərpa etdi. Cənab Prezident İlham Əliyevin də dediyi kimi, BMT tarixində belə bir hal olmayıb. Bu da BMT TŞ-nin dünyada gedən proseslərə təsir imkanlarının itdiyini ortaya qoyur. Dəyişən dünyada yeni düzənin qurulması mərhələsində Azərbaycanın rəhbərliyi ilə Qoşulmama Hərəkatı bu baxımdan əvəzsiz rol oynayır. Qanlı müharibələrin və tənəzzülün sürətlə dərinləşdiyi dünyada təhlükəli proseslərin qarşısının alınmasına Azərbaycan daim töhfələr verib. Azərbaycan Prezidenti cənab İlham Əliyev Zirvə görüşündəki çıxışında bir çox önəmli məqamlara toxunmaqla yenə Bakıdan dünyaya sülh mesajları verdi. Azərbaycan uzun illər, hətta bu gün də ikili standartlar siyasətindən, haqsızlıqdan əziyyət çəkən ölkə kimi çalışır ki, dünyada ədalət bərpa edilsin. İmperialist və sümürgəçi siyasət yeridən ölkələr bu siyasətdən əl çəksin. Utancverici qanlı tarixə məxsus olan Fransa kimi işğalçı ölkənin imperialist siyasətini bu gün də, 21-ci əsrdə də davam etdirməsi həqiqətən də məyusluq doğrurur. Əslində, Azərbaycan Fransanın əsl mahiyyətini dünyaya göstərir. 30 il Ermənistanın Azərbaycan torpaqlarını işğalda saxlamasına dəstək verən Fransa günü bu gün də işğalçılığı alovlandırır. Əslində, Fransa kimi imperialist ölkənin işğalçı Ermənistana dayaq durması heç bir təəccüb doğurmur. Çünki mahiyyəti budur".