Avropa çempionatı: Şahmat yığmalarımız Fransa və İspaniyaya qarşı
İdman 25 Okt 2019 10:47:00 370 0
Kişilərdən ibarət komandamız Fransa, qadınlardan ibarət millimiz isə İspaniya ilə qarşılaşacaq. Şəhriyar Məmmədyarov Maksim Laqarde, Arkadi Naydiç Eduard Romeyn, Rauf Məmmədov Mark Maurizi, Qədir Hüseynov Tiqran Qaramyanla qarşılaşacaqlar. Qadın şahmatçılarımız Günay Məmmədzadə Sabrina Qutierre, Xanım Balacayeva Marta Qarsiya, Ülviyyə Fətəliyeva Ana Matnadze, Türkan Məmmədyarova isə Monika Kalzatte ilə üz-üzə gələcəklər.
Batumidə şahmat üzrə milli komandalar arasında Avropa çempionatı davam edir. Goal.az xəbər verir ki, Azərbaycan yığması bu gün ikinci görüşünə çıxacaq.
Xatırladaq ki, dünən kişilərdən ibarət komandamız Serbiya üzərində 3,5 – 0,5 hesablı qələbəyə sevinib.
Qadınlar komandamız isə Latviyanı 4:0 hesabı ilə məğlub edib.
Mənbə: goal.az