Argentinalı forvard Fransa klubuna keçdi
İdman 06 Avq 2019 12:36:00 209 0
Fransanın Olympique (Marsel) klubu heyətini yeni futbolçu ilə gücləndirib.
Goal.az klubun rəsmi saytına istinadən xəbər verir ki, Liqa 1 nəhəngi Argentinanın Boca Juniors klubunun hücumçusu Dario Benedettonu transfer edib. 29 yaşlı argentinalı forvardla 4 illik müqavilə imzalanıb.
Fransa təmsilçisi bu transfer qarşılığında Boca Juniors-a 16 milyon avro təzminat ödəyib.
Benedetto karyerası ərzində Club Tijuana, America, Arsenal (Sarandi), Gimnasia və Defence klublarında da çıxış edib. Son 3 ili Boca Juniors-da keçirən argentinalı forvard bu komandada 63 oyuna 39 qol və 11 məhsuldar ötürmə ilə yadda qalıb. Dario Argentina yığmasında 5 oyuna çıxıb.
Mənbə: goal.az