Avropa Liqasında yarımfinalçılar müəyyənləşir
İdman 18 Apr 2019 09:44:00 183 0
Bu gün UEFA Avropa Liqasında 1/4 final mərhələsinə yekun vurulacaq.
Goal.az-ın məlumatına görə, cavab qarşılaşmalarından sonra yarımfinalçılar müəyyənləşəcək.
Napoli doğma azarkeşlər önündə İngiltərə Arsenal-ını qəbul edəcək. Neapollular səfərdəki 0:2 hesablı məğlubiyyətin əvəzini çıxmağa çalışacaqlar.
İngiltərənin turnirdəki digər təmsilçisi Chelsea evdə Çexiyanın Slaviya kollektivini sınağa çəkəcək. Londondakı matçda "zadəganlar" minimal hesablı qələbə qazanıb - 1:0.
Almaniyanın Avroliqadakı yeganə komandası Eintracht Frankfurtda Portuqaliya Benfica-sının müqavimətini qırmağa çalışacaq. Səfərdəki qarşılaşmada 2:4 hesabı ilə uduzan meydan sahibləri yarımfinala vəsiqə üçün ən azı 3 top fərqi ilə qələbə qazanmalıdır.
Nəhayət, növbəti qarşılaşmada İspaniya komandaları üz-üzə gələcək. Valencia Villarreal-a qarşı ilk oyundakı 3:1 hesablı qələbəni qorumağa çalışacaq.
Qeyd edək ki, final matçı mayın 29-da Bakı Olimpiya Stadionunda keçiriləcək.
Avropa Liqası
1/4 final, cavab oyunları
23:00. Napoli (İtaliya) – Arsenal (İngiltərə)
İlk oyun - 0:2
23:00. “Valensiya” (İspaniya) – Villarreal (İspaniya)
İlk oyun - 3:1
23:00. Eintracht (Almaniya) – Benfica (Portuqaliya)
İlk oyun - 2:4
23:00. Chelsea (İngiltərə) – Slavia (Çexiya)
İlk oyun - 1:0