Goal.az klubun rəsmi saytına istinadən xəbər verir ki, Bundesliqa təmsilçisinin əsas heyət oyunçularından olan Əşrəf Hakimi uzun müddətə sıradan çıxıb. 

Mərakeşli futbolçu son turda Wolfsburg-a qalib gəldikləri (2:0) oyunda zədələnib. Ayağı qırılan futbolçunun bu mövsüm bir daha meydana çıxa bilməyəcəyi bildirilir. Madrid Real-ından icarəyə götürülən 21 yaşlı futbolçu tezliklə İspaniyada əməliyyat olunacaq. Onun növbəti mövsümdən yaşıl meydanlara qayıdacağı ehtimal olunur.

Hakimi, Wolfsburg-la matçın 49-cu dəqiqəsində zədələnərək meydanı tərk etmək məcburiyyətində qalmışdı. Maraqlıdır ki, onu əvəz edən Abdu Diallo da 74-cü dəqiqədə zədələnərək əvəzlənmişdi.