Goal.az xəbər verir ki, Melburndə keçirilən turnirin səkkizinci günü keçirilən qarşılaşma Serenanın 2-1 hesablı qələbəsi ilə yekunlaşıb.

Turnirin 7 qat qalibi 37 yaşlı Vilyams ötən ilin finalçısı ilə görüşdə ilk seti asanlıqla qazanıb - 6:1. İkinci setdə hesabı bərabərləşdirən Halep oyunu final setə daşıyıb - 4-6. Başa-baş mübarizədə sevinən tərəf Serena olub - 6:4.

Serena Vilyams 1 saat 47 dəqiqə davam edən oyundakı qələbə ilə adını 1/4 finala yazdırıb.

Karyerası ərzində 23 qrand slim çempionluğu olan Serenanın 1/4 finaldakı rəqibi rəqibi Karolina Pliskova olacaq.