Goal.az “L'Equipe” nəşrinə istinadən xəbər verir ki, 29 yaşlı hücumçu Marseille ilə razılıq əldə edib. İtaliyalı forvardın bu gün Nice-dan ayrılaraq, yeni klubu ilə müqavilə bağlayacağı bildirilir.

Qeyd edək ki, Mario Balotelli 2016-cı ilin yayından Nice-da çıxış edir. Qana əsilli futbolçu bu müddətdə Fransa çempionatında keçirdiyi 61 oyunda 33 qol vurub. O, avrokuboklarda 13 görüşdə 8 dəfə fərqlənib. Forvard daha əvvəl İtaliyanın İnter və Milan, İngiltərənin isə Manchester City ilə Liverpool komandalarının formasını geyinib.