Neftçi-nin daha bir tərəfdaşı müəyyənləşib
İdman 20 Sen 2018 17:27:00 314 0
Neftçi-nin tərəfdaşları arasına daha bir şirkət daxil olub. Goal.az xəbər verir ki, bu, "Mineral Sular” MMC-dir. Tərəflər arasında bağlanmış 1 illik müqaviləyə əsasən, "Mineral Sular” bu müddət ərzində "Neftçi”nin bütün su təminatını öz üzərinə götürüb.
Razılaşmanın şərtlərinə görə, "Neftçi” və "Neftçi-2” komandalarının oyun formalarının qoluna şirkətin loqosu vurulmaqla yanaşı, qarşı tərəfə digər reklam xidmətləri də göstəriləcək.
Yeni sponsorlar axtarışını davam etdirən klubun yaxın zamanda daha bir şirkətlə tərəfdaşlıq müqaviləsi imzalayacağı gözlənilir.
Mənbə: goal.az