Çempionlar Liqasının qrup mərhələsində keçirdiyi ilk oyunda PSJ-ni 3:2 hesabı ilə məğlub edən Liverpool-un hücumçusu Məhəmməd Salahın 4 ay əvvəl aldığı zədənin sağalmadığı iddia olunur. Goal.az xəbər verir ki, misirli futbolçu PSG ilə matçda əvəz edilərkən formasını çıxarıb. Bu zaman onun Çempionlar Liqasının son finalında zədələndiyi üçün çiyninə taxılan sarğının hələ də yerində olduğu görülüb. Bundan sonra futbolçunun tam sağalmadığı və aldığı zədənin ciddi olması müzakirə mövzusuna çevrilib.