Tunis millisi Panama ilə oyuna ehtiyat qapıçısız çıxacaq
İdman 28 İyn 2018 16:54:00 298 0
Tunis milli komandası futbol üzrə dünya çempionatında Panama yığması ilə keçirəcəyi qrup mərhələsinin son tur matçında sifariş ərizəsinə cəmi 1 qapıçı daxil edəcək. Goal.az xəbər verir ki, Muez Hassen və Faruk ben-Mustafanın zədəli olması səbəbindən Afrika təmsilçisi yalnız Aymen Maslusinin ümidinə qalıb. Hassen İngiltərə yığması ilə ilk tur matçında çiynindən xəsarət alıb. Ben-Mustafa isə məşq zamanı dizini əzib.
Tunis Futbol Federasiyası əlavə qapıçı sifariş etmək istəsə də, FİFA qaydaları əsas gətirərək rədd cavabı verib. Ali futbol qurumundan bildirilib ki, sifariş ərizəsində dəyişikliyi ilk oyuna bir sutka qalmışadək etmək mümkündür. Panama ilə qarşılaşmada Maslusinin potensial əvəzləyicisi hücumçu Fəxrəddin ben-Yussef olacaq. Saranskda keçiriləcək qarşılaşma Bakı vaxtı ilə saat 22:00-da başlanacaq. Hələ xal qazanmayan Tunis və Panamanın qrupda qalacağı dəqiqləşib.
Mənbə: goal.az