Goal.az xəbər verir ki, 35 yaşlı kot-d-ivuarlı yarımmüdafiəçi bildirib ki, ispaniyalı mütəxəssis afrikalı futbolçulara fərqli cür yanaşıb:

"Oynamadığımı anlaya bilmirdim. Məşqçilərdən məşqlərin və oyunların statistikalarını almışdım. Hətta gənc futbolçulardan da göstəricilərim yüksək idi. Anladım ki, bu, fiziki göstəricilərə görə deyil. Səbəbini bilmirəm, amma Pep Qvardiola bəzən məni bir rəqib kimi görürdü. Mənimlə tərs davranırdı. Bədənimin rəngindən olduğunu düşünürəm. Barcelona-da bu halla rastlaşmışıq. Qaradərili oyunçulara fərqli cür yanaşırdı. Biz afrikalılara digər futbolçularla davrandığı kimi etmirdi. Ancaq siz Pep Qvardioladan bu haqda soruşun, inkar edəcək. O, ağıllı, hiyləgər adamdır və tələyə düşməz. Bunu heç vaxt qəbul etməz. Əgər bunu etiraf etsə, ona keks verəcəm".

Qeyd edək ki, Ture Barcelona və Manchester City-də Qvardiolanın rəhbərliyi altında çıxış edib.