İspaniya Liqasının 35-ci turunda bağlanış oyunu "Benito Villamarin" stadionunda baş tutub. Son vaxtlar yaxşı nəticələr qazanan Real Betis Primeranı tərk edəcəyi dəqiqləşən Malaga-nı qəbul edib. Goal.az xəbər verir ki, meydan sahibləri matçdan 2:1 hesablı qələbə ilə ayrılıb. Bu qalibiyyət sayəsində Əndəlus klubu turnir cədvəlində 5-ci pillədə möhkəmlənib və Avroliqaya vəsiqəni təmin edib. Betis 59 xal toplayıb ki, bu da La Liqada onların ən yaxşı göstəricisidir.