Azərbaycan Respublikası Atçılıq Federasiyası (ARAF) 2018-ci ilin cıdır mövsümünün başlayacağı tarixi açıqlayıb. Goal.az xəbər verir ki, aprelin 7-də start götürəcək mövsümə oktyabrda yekun vurulacaq. Ümumilikdə, 15 cıdır günü ərzində 3 müxtəlif kateqoriya - ingilis təmizqanlı, ərəb təmizqanlı, Qarabağ - Dilbaz təmizqanlı atlar arasında 61 qaçışın keçirilməsi nəzərdə tutulub. Mövsüm ərzində yarışlarda hər 4 cins üzrə 100-dək atın iştirakı gözlənilir. Bütün qaçışlar Binə Atçılıq Mərkəzi ərazisində yerləşən hippodromda təşkil olunacaq.