Qeyd etdiyimiz kimi, Mərakeş 2026-cı il dünya çempionatına ev sahibliyi etmək arzusundadır. Martın 17-də Kasablanka şəhərində bununla bağlı konfrans keçirilib. Goal.az xəbər verir ki, Mərakeş mundialın təşkilatçılıq hüququna sahib çıxacağı təqdirdə 15.8 milyard dollar xərcləməyə hazır olduğunu bildirib. Bunu ölkənin Sənaye, Ticarət və Sərmayə naziri Mevlay Hafiz əl-Aləmi deyib. Dünya çempionatı üçün təşviqat komitəsinin sədri olan Əl-Aləmi bəzi idman infrastrukturunun yenidən qurulacağına söz verib. Onun sözlərinə görə oyunları keçirməyi planlaşdırdıqları 14 stadionun 6-sı tamamilə FİFA standartlarına uyğundur.