Belarusun "Molodecno" futbol klubuna fevralın 16-da baş məşqçi təyin olunan Mixail Makovski istefaya göndərilib. Goal.az xəbər verir ki, buna səbəb onun ilk mətbuat konfransına sərxoş gəlməsi olub. 40 yaşlı mütəxəsis alkoqol qəbul etdiyi özü də etiraf edib. Klub daha sonra onun qardaşı Vladimir Makovskini baş məşqçi etmək istəyib. Amma onun danışılmış oyunların təşkilinə görə 2 il şərti cəza alması və 5 il müddətinə futbol fəaliyyətindən uzaqlaşdırılması azarkeşləri yerindən oynadıb. Sonda "Molodecno" Valeri Petrovu baş məşqçi postuna gətirib.