Ander Errera, Qabi və İborra 2 il həbs cəzası ala bilər


İdman 14 Fev 2018 14:51:00 351 0

Ander Errera, Qabi və İborra 2 il həbs cəzası ala bilər

İspaniyada 2011-ci ildə "Levante" və "Zaragoza" arasıneda baş tutan danışılmış oyunla bağlı araşdırma davam edir. Goal.az "Marca"ya istinadən xəbər verir ki, prokurorluq həmin oyunda iştirak edən futbolçulara 2 illik həbs cəzası və futboldan 6 aylıq diskvalifikasiya tələb edir. Oyunu satmaqda şübhəli bilinən şəxslər arasında Qabi Fernandes (Atletico), Ander Errera (Manchester United), Visente İborra (Leicester City) və Leonardo Ponsio (River Plate) var. Danışılmı oyundan sonra onların hesabına 1 milyon avroya qədər pul köçürüldüyü iddia olunur.

İspaniya qanunlarına görə ilk qanun pozuntusuna görə təyin olunan 2 illik həbs cəzası şərti xarakter daşıyır. Bu cəza cərimə ilə əvəzlənə bilər. Ən riskli vəziyyətdə həmin vaxt "Zaragoza"nı çalışdıran Xavyer Aqirredir. Onun adı daha bir danışılmış oyunda hallanır. Məqşçinin hər iki ittihamı təsdiq olunsa, onu real azadlıqdan məhrumetmə cəzası gözləyir.

Qeyd edək ki, "Zaragoza" - "Levante" qarşılaşması 2010/11 mövsümünün son turunda baş tutub. Oyun meydan sahiblərinin 2:1 hesablı qələbəsi ilə yekunlaşıb. Bu nəticə qalib komandanın I Divizionda qalmasını təmin edib. İspaniya prokurorluğu iddia edir ki, qələbə qarşılığında "Zaragoza" "Levante"yə 965 min avro ödəyib.