"Düşünürəm ki, baş verənlər haqqında həqiqəti bildiyin halda, bir insanı təhqir etməyə çalışırsansa, o zaman sən adamcığazsan. Lakin belə bir hal birinci dəfə deyil ki, yaşanır. O bunu ötən il də edib, indi də edir və gələcəkdə də edəcək" - italyan mütəxəsis qeyd edib.

İki baş məşqçi arasında qiyabi söz savaşı bir neçə gün əvvəl başlayıb. Portuqaliyalı məşqçi oyunlar zamanı öz sakit davranış tərzində danışan zaman deyib:

"Əgər mən meydanın kənarında özümü təlxək kimi aparmıramsa, deməli, oyuna olan həvəsimi itirmişəm?"

İngiltərə mətbuatı ehtimal edib ki, Mourinyo bu sözləri deyərkən Konteni nəzərdə tutub. İtaliyalı da buna cavab verib:

"O, gərək öz keçmişinə baxsın. Bəlkə bunu özü üçün deyib?"

Mourinyo öz növbəsində bu sözləri diqqətdən kənar qoymayıb və bildirib:

"Mən səhvlər etmişəm. Amma danışılmış oyunlara görə heç vaxt cəzalandırılmamışam".

Bu, 2012/2013-cü illər mövsümündə "Siena"nın baş məşqçisi olan zaman danışılmış oyunlara görə 4 ay müddətinə diskvalifikasiya edilən Konteyə ünvanlanmış atmaca kimi təqdim olunub. Qeyd edək ki, 2016-cı ildə məhkəmə Konteyə bəraət qazandırıb.