Goal.az klubun rəsmi saytına istinadən xəbər verir ki, 46 yaşlı mütəxəssis uğursuz nəticələr səbəbi ilə postunu tərk etməli olub.

Çempionşipdə mübarizə aracan “pələnglər”in 20 turdan sonra 19 xalla 20-ci pillədə qərarlaşması rəhbərliyi qane etməyib.

Qeyd edək ki, L.Slutski yay fasiləsində “Hull City”nin baş məşqçisi təyin olunmuşdu. Onun qarşısına komandanı yenindən Premyer Liqaya çıxarmaq tapşırığı qoyulmuşdu.

Xatırladaq ki, 2009-2016-cı illərdə Moskvanın ÇSKA komandasına rəhbərlik edən L.Slutski bu müddət ərzində üçqat Rusiya çempionu, həmçinin ölkə kubokunun və ölkə superkubokunun ikiqat qalibi olub. Rusiya milli komandası 2016-ci ildə keçirilən Avropa çempionatında onun rəhbərliyi altında çıxış edib.