"Trabzonspor" Türkiyə Superliqasının 9-cu turunda "Malatyaspor"a minimal hesabla uduzub. Goal.az xəbər verir ki, klubun 6 rəsmisi bu məğlubiyyətdən sonra istefaya gedib. Onların başında klub prezidentinin müavinləri Mehmet Yiğit Alp və Önder Bülbüloğlu gəlir. İstefa verən şəxslər klubda idarəçilik işinin lazımi prispilər əsasında qurulmadığını və bu sahədə ciddi problemlər ortaya çıxdığını qeyd ediblər. Onlar İdarə heyətinin toplantısında məsələni dəfələrlə gündəmə gətirmələrinə baxmayaraq, zəruri ölçü götürülmədiyini bildirir.