Son.az türkiyə mediasına istinadla xəbər verir ki, Türkiyə və İraqdan çoxsaylı mətbuat mənsubları, yazıçılar və siyasətçilər təşkilatın tərksilah prosesini izləmək üçün KYB-nin nəzarətində olan Dukan rayonunda toplaşıb. Süleymaniyyənin Surdaş məhəlləsinin sərhədlərindəki mağarada toplaşan PKK qruplaşması əllərindəki silahlarla ortaya çıxaraq qrupun yerləşdiyi əraziyə gəliblər. 15-i qadın olmaqla 30 PKK-lıdan ibarət qrup silahlarını böyük, alovlu qazana ataraq məhv edib.

Təhvil verilən silahların basdırılmaq əvəzinə yandırılması detayı da müzakirə mpvzusu olub və əhalidə maraq yaradıb. Məlumata görə, bu simvolik addım dəmirin əriməsi keçmişin ağrılı xatirələrini pisləmək və rayon əhalisi ilə birlikdə silmək deməkdir.