Çıxışdan əsas məqamlar bunlardır:

- Qərb ölkələrini və Ukraynanı "yalan"da, "kolonializm"də, "neoliberal totalitar dəyərlər"də ittiham edərək iddia edib ki, Ukraynaya hücum məcburiyyətdən yaranıb. Putin işğaldan öncə baş verənləri Kremlin nöqteyi-nəzərindən şərh edərək deyib ki, Qərb Rusiyaya təhlükəsizlik qarantiyaları verməkdən imtina edib. "Müharibəni onlar başladılar, biz isə onu dayandırmaq üçün güc sərf edirik", - Rusiya prezidenti vurğulayıb.

- Rusiyanı döyüş meydanında məğlub etmək mümkün deyil. Onun sözlərinə görə, Qərb Ukraynaya nə qədər çox uzaq mənzilli sistemlər verərsə, Rusiya bu təhdidləri öz sərhədlərindən bir o qədər uzaqlaşdıracaq. "Kimlər ki, Rusiyaya qarşı satqınlıq yolunu seçiblərsə, qanunla buna görə cavab verəcək".

- Rusiyanı parçalamağa çalışacaqlar, Qərb milli satqınlara stavka edəcək. Rusiyaya xəyanət yoluna qədəm qoyanlar qanun çərçivəsində cavab verəcəklər, amma biz cadugər ovu təşkil etməyəcəyik.

- Xüsusi əməliyyat Rusiya Federasiyasının müdafiəsi və nasist təhlükəsini aradan qaldırmaq üçün başlayıb. O, Rusiyanın addım-addım qarşısında duran vəzifələri ardıcıl şəkildə həll edəcəyinə əmin olduğunu qeyd edib. Putin deyib ki, Rusiya Ukrayna böhranını dinc yolla həll etmək üçün əlindən gələni edib: "Lakin Rusiyanın arxasından tamamilə fərqli ssenari hazırlanıb".

- Rusiya prezidenti Ukrayna münaqişəsi ilə bağlı aparılan Minsk razılaşmaları ilə bağlı da danışıb. Onun sözlərinə görə, Qərbin Donbasda sülh arzusu ilə bağlı verdiyi vədlər qəddar saxtakarlığa və yalana çevrilib. Putin Qərb ölkələrini fırıldaqçılıqla məşğul olmaqda ittiham edib.

- Kiyev nüvə silahı əldə etməyə cəhd edib. Kiyev və Qərb arasında hava hücumundan müdafiə sistemləri, döyüş təyyarələri və digər texnikanın tədarükü ilə bağlı danışıqlar hələ xüsusi əməliyyat başlamazdan əvvəl aparılıb. Ukrayna Qərbin əsarətindədir, onu böyük müharibəyə hazırlayıblar.

Bir məsələni də qeyd edək ki, Putin ABŞ prezidenti Co Baydenin Kiyevə tarixi səfərindən bir gün sonra çıxış edib. Bayden bu səfərlə Qərbin guya Ukraynanı dəstəkləmək marağının azalmasına dair Rusiya liderinin son bəyanatlarına zərbə vurmuş olub.

Bir çox ekspertlər deyirdilər ki, Putin çıxışında döyüşdə böyük bir uğuru qeyd edəcəyinə ümid bəsləyirdi. Ancaq Ukraynanın Baxmut şəhərinə Rusiyanın hücumu gözlənən nəticəni verməyib. Rusiya lideri Ukraynadakı müharibəni artıq Qərbə qarşı proksi müharibə kimi təqdim edir.

Azər Nuriyev Son.az