Son.az xəbər verir ki, Türkiyə mediasının yaydığı məlumata əsasən, son iki həftə ərzində dəyəri milyardlarla lirə olan beş malikanə daşınmaz əmlak bazarına təqdim olunub.

Satışa çıxarılan malikanələrin əksəriyyəti 100-200 illik tarixi olan tikililərdir. Mütəxəssislər bildirirlər ki, bu bənzərsiz tarixi və estetik əhəmiyyətə malik binalar, mövcud mühəndislik standartlarına və zəlzələyə davamlılıq meyarlarına uyğun deyil.

Boğaziçi boyunca yerləşən təxminən 600 malikanənin əhəmiyyətli bir hissəsi tarixi abidə statusuna malikdir. Lakin bu status onların təhlükəsiz olduğu anlamına gəlmir. Taxtadan və ənənəvi üsullarla inşa edilən bu evlər zamanla aşınmış vəziyyətdədir.