"İdmana başlayıram" demək bəzən zehni olaraq yük yaradır. Onun yerinə belə düşün:

"Gündə 5 dəqiqə sadəcə hərəkət edirəm ki, bədənim oyansın."

Məsələn:

10 dərin nəfəs al-ver

20 saniyə yerində addımlama

5 dəfə diz qaldırma

Başlamaq üçün mükəmməl olmaq şərt deyil. Sadəcə hərəkət et. 

Qısa və real məqsəd qoy  Ən çox edilən səhv: "Sabahdan 1 saat qaçacam!" - nəticə: etmirsən. Əvəzində belə de:

"Bu gün 5 dəqiqə gəzəcəm." "Youtube-da 7 dəqiqəlik məşq tapıb izləyəcəm."

Küçədə gəz, evdə pilləkən çıx, rəqs et, fərq etməz - qısa, amma ardıcıl olsun.

Sevdiyin musiqi + hərəkət = əla kombinasiya Əgər tənbəllik hiss edirsənsə, sevdiyin 2 musiqi qoy və bu müddətdə hərəkət et:

Yerində durub rəqs et

Qol aç-bağla hərəkətləri

Dairəvi boyun-hərəkətləri

Bu, bədəni yükləmir, amma motivasiya yaradır.

Tətbiqlərdən və videolardan faydalan Qısa və sadə videolarla başla:

"Beginner home workout"

"5 dəqiqəlik səhər idmanı"

"Tənbəllər üçün məşq" (bəli, belə kontentlər var)

Tətbiq tövsiyələri:

Fitify

7 Minute Workout

Stretching Exercises

Yatmazdan əvvəl hərəkət - səhər üçün təkan Yuxudan əvvəl:

10 dərin nəfəs

1 dəqiqə diz üstə oturub qolları uzat

Yüngül bel və ayaq dartınmaları

Bu həm rahat yatmağa kömək edir, həm də bədəni idmana alışdırır.

Özünü mükafatlandır! 5 gün üst-üstə hərəkət etdin? Özünü:

Sevdiyin film ilə

Şirin bir qəlyanaltı ilə

Yeni bir idman geyimi ilə

kiçik sürprizlərlə sevindir. Bu, zehninə "idman = mükafat" mesajı verir.

Özünə qarşı yumşaq ol Tənbəllik etdinsə, özünü günahlandırma. Yalnız "sabah yenidən cəhd edəcəm" deməyi unutma. Çünki davamlılıq mükəmməllikdən daha önəmlidir.

Lalə Qüdrətova Son.az