Birinci yarımildə Türkmənistandan Azərbaycana gələn turistlərin sayı artıb

Digərləri 22 Ağu 2025 12:01:00 106 0

Cari ilin yanvar-iyun aylarında Türkmənistandan Azərbaycana səfər edənlərin sayı 15 579 nəfər olub.

Trend bu barədə Dövlət Turizm Agentliyindən məlumat əldə edib.

Məlumata görə, səfər edənlərin sayı ötən ilin müvafiq dövrü ilə müqayisədə 183 nəfər və ya 1,2% artıb. Belə ki, 2024-cü ilin ilk altı ayı ərzində bu ölkədən Azərbaycana gələnlərin sayı 15 396 nəfər idi.

Ümumilikdə isə 2025-ci ilin yanvar-iyun aylarında Azərbaycan Respublikasına dünyanın 178 ölkəsindən 1,2 milyon və ya əvvəlki ilin müvafiq dövrü ilə müqayisədə 1,1 faiz az əcnəbi və vətəndaşlığı olmayan şəxs gəlib.