Son.az Türkiyə mediasına istinadən xəbər verir ki, heyvanın sahibi belə bir pişiyin Türkiyədə heç vaxt görünmədiyini və 1800-cü ildən bəri dünyada yalnız 3 və ya 4 belə pişiyin olduğunu söyləyib.

Ankarada genetik mutasiya nəticəsində 4 qulağı olan Midas adlı pişik sosial mediada diqqət mərkəzinə düşüb.

Midas və Gece adlı iki pişiyin sahibi olan Canis Döşemeci pişiyi Midas genetik mutasiya nəticəsində 4 qulağa və bədənində ürək formasında ağ tüklərə sahib olması ilə sosial mediada maraq doğurub.

"ÇOX SAĞLAMDIR"

Nadir hallarda rast gəlinən 4 qulaqlı pişiyinin sağlam olduğunu qeyd edən Döşemeci "Bu günə qədər Türkiyədə heç vaxt görünməyib, dünyada isə 1800-cü ildən bəri yalnız 3 və ya 4 belə pişik olub. Bu da Midası məşhur edir. Eşitməsində heç bir problem yoxdur. Normal sağlam pişiklər qədər yaxşı eşidir. Aşağı çənəsi doğuşdan bir az geri və kiçikdir. Ona görə də dili çöldə qalır, amma bu, yeməsi ilə bağlı heç bir problem yaratmır. Çox sağlam bir pişikdir. Bizim kimi, sadəcə 2 qulaq kanalı var, amma 4 qulaq qabığı var" deyib.

"GÖRDÜKDƏ TƏƏCCÜBLƏNDİK"

Midası dostlarının həyətində tapdıqlarını və 4 qulağı olduğu üçün çox təəccübləndiklərini qeyd edən Döşemeci Midasın sevimli və oyunsevər bir pişik olduğunu bildirib: "Evə gələn qonaqlardan qaçmır. Tam əksinə, onları tanımağa çalışır, əlaqə qurmağa çalışır. Əksərən axşamlar qucağımızda oturmağı sevir, gündüzlər isə yatmağa üstünlük verir. Gece ilə çox yaxşı anlaşır, daima oyun oynayırlar".

Midası qucaqlarına aldıqlarında çox təəccübləndiklərini bildirən Döşemeci "Midasın başqa sağlamlıq problemi yoxdur. Hətta doğuşdan quyruğu da üç yerindən qırıqdır, normal pişiklərə nisbətən kiçikdir və bucaq şəklindədir. Təhlükə ola biləcəyini düşündük, bir yerdən tullandıqda balansını itirərmi deyə qorxurduq, amma heç bir problem olmadı, çox sağlamdır. Həmçinin sinəsində ağ bir ürək işarəsi var. Qulaqları çox diqqət çəkir, dili çöldə çox şirin görünür. Bir də sinəsindəki ürək o qədər sevimlidir ki, sırt üstə yatanda tam bir ürək şəkli alır. Fotoşəkillərini çəkirik və çox bəyənilir" deyib..

"GÖRƏN YANIMIZA GƏLİR"

Canis Döşemeci pişiyi Midasın insanların diqqətini cəlb etdiyini qeyd edərək, "İndiyə qədər pis reaksiyalarla qarşılaşmadıq. Onun gözəl bir çantası var. Arada bir onunla gəzirik. Tasma ilə gəzməyimiz mümkün olmur, çünki başqa pişiklər və ya itlər hücum edə bilər və ya Midas qaça bilər. Amma bir yerə gedib oturduqda çay içərkən hamı gəlir, böyük maraqla yanaşır" dedi.

"MİDASI GÖRÜNCE TƏƏCCÜB YAŞADIM"

Midası sosial media hesabından görən Mısra Saygın "Az əvvəl gördüm, çox gülməli idi. Dostum şəkillərini göstərdi, təəccübləndim. Sağlam olub-olmadığını düşündüm, sonra internetdə sağlam olduğunu gördüm. Çox şirin görünür" deyə qeyd edib.

"BU MƏNİM İKİNCİ GÖRDÜYÜM OLAYDIR"

35 illik baytarlıq təcrübəsi olan Mert Dağlıkoç isə "İllərdir bu işi görürəm. Bu, mənim ikinci belə vəziyyətimdir. Həmin eyni şəkildə idi, bunlar artıq anomaliyalardır. Yalnız qulaq qabığı var, içində qulaq kanalı var, amma qulaqlar normal deyil" deyib.

Hüseyn  Son.az