Son.az xəbər verir ki, bu vəziyyətin yaratdığı sağlamlıq problemləri həm fiziki, həm də psixoloji sahədə özünü göstərir.

Düzənsiz yuxu bədənin immun sistemini zəiflədir. Yuxu zamanı orqanizm virus və bakteriyalarla mübarizə aparan immun hüceyrələrini gücləndirir. Yuxusuzluq və ya qeyri-müntəzəm yuxu bu prosesin düzgün həyata keçməsinə mane olur, nəticədə xəstəliklərə daha meyilli olunur.

Yuxu rejiminin pozulması, psixoloji sağlamlıq üzərində mənfi təsir göstərir. Rejimsiz yuxu serotonin və digər kimyəvi maddələrin balansını poza bilər, bu da əhval-ruhiyyə dəyişikliklərinə, narahatlıq və depressiyaya yol aça bilər. Uzun müddət yuxu problemi yaşayan şəxslərdə stres və narahatlıq hissi daha çox müşahidə edilir.

Yuxu beynin məlumatları emal etməsi və yaddaşı gücləndirməsi üçün vacibdir. Düzensiz yuxu yaddaşın zəifləməsinə və konsentrasiya problemlərinə yol açır. Bu, işdə və gündəlik həyatda performansın azalmasına səbəb ola bilər. Ayrıca diqqət və düşünmə qabiliyyətindəki azalma, daha çox səhvlərə yol açır. Düzensiz yuxu ürək-damar sistemini də təsir edir. Tədqiqatlar göstərir ki, qeyri-müntəzəm yuxu, yüksək təzyiq, ürək xəstəlikləri və insult riskini artırır. Bununla yanaşı, orqanizmdə insulin müqavimətinin artması, diabet və metabolik problemlərin yaranma ehtimalını da artırır. Yuxu rejimi pozulmuş şəxslərdə hormonal balanssızlıq səbəbindən yemək vərdişləri də dəyişir. Bu, öz növbəsində, artıq çəki və piylənmə riskini artırır. Eyni zamanda metabolizmanın pozulması, bədənin enerji sərfini düzgün tənzimləyə bilməməsi ilə nəticələnir. Yuxu rejiminin pozulması nəticəsində yuxu keyfiyyəti pisləşir. Bədən kifayət qədər dincəlmədikdə yuxusuzluq, yorğunluq və baş ağrıları kimi şikayətlər meydana gəlir. Yuxusuzluq dövrü uzandıqca bədənin enerjisi tükənir və performans azalır.

Yuxu çatışmazlığı və qeyri-müntəzəm yuxu rejimi reaksiyaların yavaşlamasına səbəb olur. Bu, xüsusilə sürücülük zamanı ciddi təhlükələr yarada bilər. Yuxusuzluq və ya qeyri-müntəzəm yuxu yolda qəzaların baş vermə riskini artırır.

Asya Son.az