Son.az xəbər verir ki, bununla bağlı müvafiq qərarı Baş nazir Əli Əsədov imzalayıb.

Sənədə əsasən, bu qərar 2024/2025-ci tədris ilindən başlayaraq Azərbaycan Respublikası Müdafiə Nazirliyinin strukturuna daxil olan Milli Müdafiə Universitetinin tabeliyindəki Heydər Əliyev adına Hərbi İnstitutun bakalavriat səviyyəsinə, o cümlədən bakalavriat səviyyəsinin hazırlıq kursuna, Bakı Hərbi Kollecinə, Gəncə Hərbi Kollecinə, Naxçıvan Hərbi Kollecinə, Heydər Əliyev adına Hərbi Liseyə və Cəmşid Naxçıvanski adına Hərbi Liseyə qəbul olunmuş və həmin müəssisələrdə təhsil alan kursantlara şamil edilir.

Azərbaycan Respublikasının Müdafiə Nazirliyi "Azərbaycan Ordusunun hərbi qulluqçularının pul təminatı haqqında Əsasnamə"də bu Qərarla təsdiq edilən Qaydaya uyğun dəyişikliklərin Azərbaycan Respublikasının Maliyyə Nazirliyi ilə razılaşdırmaqla 10 (on) gün müddətində həyata keçirilməsini təmin etməli; bu Qərardan irəli gələn digər məsələləri həll etməlidir.

Azərbaycan Respublikasının Maliyyə Nazirliyi və Azərbaycan Respublikasının Müdafiə Nazirliyi bu Qərardan irəli gələn məsələlərin həlli üçün zəruri tədbirlər görməlidirlər.

Bu Qərarda dəyişiklik Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş "İcra hakimiyyəti orqanlarının normativ hüquqi aktlarının layihələrinin hazırlanması, razılaşdırılması, qəbul edilməsi və dərc edilməsi qaydası haqqında Əsasnamə"nin 3.5-ci bəndinə uyğun edilə bilər.

Bu Qayda "Gənclərin hərbi sahədə təhsil almasının təşviq edilməsi ilə bağlı tədbirlər haqqında" Azərbaycan Respublikası Prezidentinin 2023-cü il 14 dekabr tarixli 2381 nömrəli Fərmanının 7.2-ci bəndinə uyğun olaraq hazırlanıb və 2024/2025-ci tədris ilindən başlayaraq Azərbaycan Respublikası Müdafiə Nazirliyinin (bundan sonra - Müdafiə Nazirliyi) strukturuna daxil olan Milli Müdafiə Universitetinin (bundan sonra - Universitet) tabeliyindəki Heydər Əliyev adına Hərbi İnstitutun bakalavriat səviyyəsinə, o cümlədən bakalavriat səviyyəsinin hazırlıq kursuna, Bakı Hərbi Kollecinə, Gəncə Hərbi Kollecinə, Naxçıvan Hərbi Kollecinə, Heydər Əliyev adına Hərbi Liseyə və Cəmşid Naxçıvanski adına Hərbi Liseyə (bundan sonra - xüsusi təyinatlı təhsil müəssisələri) qəbul olunmuş və həmin müəssisələrdə təhsil alan kursantlara dövlət büdcəsinin vəsaiti hesabına ödəmələrin verilməsi, vəsaitlərin hesablarda yerləşdirilməsi və idarə edilməsi, habelə hesabda yığılan vəsaitin idarə olunmasından əldə edilən gəlirlər də daxil olmaqla həmin vəsaitlərin ödənilməsi ilə bağlı məsələləri tənzimləyir.

Bu Qaydada ödəmələr dedikdə "Gənclərin hərbi sahədə təhsil almasının təşviq edilməsi ilə bağlı tədbirlər haqqında" Azərbaycan Respublikası Prezidentinin 2023-cü il 14 dekabr tarixli 2381 nömrəli Fərmanına əsasən xüsusi təyinatlı təhsil müəssisələrində təhsil alan kursantlara verilən birdəfəlik ödəmə, təqaüd, ailə üzvlərinə maddi yardım və hesabda yığılan ödəniş nəzərdə tutulur.

Bu Qaydaya əsasən xüsusi təyinatlı təhsil müəssisələrində təhsil alan kursantlara ödəmələr dövlət büdcəsində bu məqsədlər üçün nəzərdə tutulmuş vəsait hesabına ödənilir.

Bu Qaydanın məqsədləri üçün kursantın ailə üzvləri dedikdə: 1

atası və ya anası;

arvadı (əri);

bu Qaydada qeyd edilən ailə üzvləri olmadığı hallarda kursantın himayədə olduğu babası, nənəsi, qardaşı, bacısı və ya qanunla müəyyən edilmiş qaydada himayəçi təyin edilmiş digər şəxs nəzərdə tutulur.

Xüsusi təyinatlı təhsil müəssisələrinə qəbul olunmuş kursantlara birdəfəlik ödəmə aşağıdakı qaydada ödənilir:

xüsusi təyinatlı təhsil müəssisələrinə qəbul olunmuş kursantların təhsilə başlaması haqqında həmin müəssisənin rəhbərinin müvafiq əmri imzalandıqdan sonra növbəti 15 əməliyyat günü müddətində;

xüsusi təyinatlı təhsil müəssisəsi tərəfindən birdəfəlik ödəmənin məbləği kursantın pul təminatı üçün bu Qaydada göstərilən hesaba köçürülür.

Xüsusi təyinatlı təhsil müəssisələrində təhsil alan kursantlara təqaüdün verilməsi Universitet tərəfindən Müdafiə Nazirliyinin Azərbaycan Respublikasının Maliyyə Nazirliyi ilə razılaşdırılmaqla, sistem əhəmiyyətli banklar sırasından müəyyən etdiyi agent bankda (bundan sonra - agent bank) kursantın adına açılmış bank hesabına köçürülməklə tədris ilinin hər ayı üçün növbəti ayın birinci ongünlüyündə həyata keçirilir.

Xüsusi təyinatlı təhsil müəssisələrinə təhsil alan kursantların ailə üzvlərinə maddi yardım aşağıdakı qaydada ödənilir:

Universitet tərəfindən bu Qaydada qeyd olunan və kursantın forması bu Qaydaya 1 nömrəli əlavə ilə müəyyən edilən yazılı ərizəsində göstərdiyi şəxslərdən birinin agent bankda açılmış bank hesabına köçürülür;

kursantın təhsil aldığı müddətdə maddi yardım bu Qaydaya uyğun olaraq hər ay üçün növbəti ayın birinci ongünlüyündə ödənilir.

Xüsusi təyinatlı təhsil müəssisələrində təhsil alan kursantlar üçün ödənişin hesabda yığılması aşağıdakı qaydada həyata keçirilir:

Universitet tərəfindən ödənişlərin yerləşdirilməsi məqsədilə agent bankda bank hesabı açılır;