Son.az Xəzər TV-yə istinadən xəbər verir ki, evdəki internet paketdə nəzərdə tutulandan xeyli zəif olur. Xüsusilə də axşam saatlarında sürət daha da aşağı düşür.

İnformasiya Kommunikasiya Texnologiyaları üzrə mütəxəssis Fərhad Mirəliyevin sözlərinə görə, keyfiyyətə təsir edən əsas amillərdən biri modemdir. Provayderlərin əksəriyyəti isə bu qurğunu abunəçilərə özləri təqdim edir. Mütəxəssis bildirir ki, həmin modemlər qiymət münasib olsun deyə Çindən sifariş verilir.

"Onların da keyfiyyəti qənaətbəxş hesab edilmir."

Fərhad Mirəliyev vurğulayır ki, internetin sürətinin zəif olması provayderlərin istifadə etikləri avadanlıqların keyfiyyətindən də asılı olur. O qeyd edir ki, internetin satışı ilə məşğul olan şirkətlər abonent limitini keçdikdə də keyfiyyət aşağı düşür. Yəni abunəçi sayı artdıqca avadanlıqlar daha yaxşısı və yenisi ilə əvəzlənməlidir. Mütəxəssis həmçinin vurğulayır ki, internetin sürəti vətəndaşından seçimindən də asılıdır.

O, həm provayder, həm də modem seçimi zamanı mütəxəssisdən tövsiyyə almağı məsləhət görür.

Mövzu ilə bağlı daha ətraflı videomaterialı təqdim edirik: