Son.az axşam.az-a istinadən xəbər verir ki, bu barədə "The Wall Street Journal" məlumat yayıb. Bu, seks təcavüzdə adı hallanan Ceffri Epşteynin sayəsində ortaya çıxıb. Belə ki, onun bu münasibəti bildiyi və bundan istifadə edərək B.Qeytsi şantaj etdiyi deyilib.

Bildirilib ki, Qeytslə Antonova 2009-cu ildə tanış olublar və münasibətə başlayıblar. 2013-cü ildə Epşteyn həmin xanımla tanış olub və onun proqramçı kimi təhsil alması üçün pul ödəyib. "WSJ"nin məlumatına görə, 2017-ci ildə Epşteyn Qeytsə məktub göndərərək maddi dəstək istəyib və əks halda münasibətlərini ifşa edəcəyini vurğulayıb.

Həmin ərəfədə isə ikili arasındakı münasibət artıq bitibmiş. Məktubunda Epşteyn qızın təhsili üçün çəkdiyi xərcləri də ona geri ödəməsini istəyib. Hər ikisi üçün məbləğ cüzi olsa da, bu məktubla maliyyəçi, Qeytsə qeyr-qanuni münasibətini ifşa edə biləcəyinə işarə etmək istəyib. İş adamları arasında fikir ayrılığına səbəb Qeytsin "JPMorgan Chase" bankı ilə birlikdə yaratmaq istədiyi çoxmilyardlıq xeyriyyə fondu layihəsində Epşteyni dəstəkləməkdən imtina etməsi olub.

Bundan başqa, yutubda 2010-cu ilə aid bir video cütlüyün tanış olması ilə bağlı video da var.

Qeytsin sözçüsü milyarderin Epşteynin tələbi ilə heç bir ödəniş etmədiyini və onunla ümumiyyətlə heç bir maliyyə sövdələşməsinin olmadığını deyib. Həmçinin Qeytsin özü əvvəllər xeyriyyəçilik məsələləri ilə əlaqədar onunla bir neçə dəfə görüşdüyünü və indi bu görüşlərə görə peşman olduğunu bildirib.

Nəşrin məlumatına görə isə, Qeyts Epşteynlə on dəfədən çox görüşüb, Nyu-Yorkdakı malikanəsində şam yeməyinə gedib və hətta şəxsi təyyarəsi ilə uçub.