İngiltərənin Birmingem şəhərinin 34 yaşlı sakini Leysi O'Driskoll sağalmaz xəstəlik səbəbindən xəstəxanada evlənib.

Son.az xəbər verir ki, bu barədə "Birmingham Live" məlumat yayıb.

O, 2023-cü ilin əvvəlində mədə xərçəngi olduğunu öyrənib. Həkimlər artıq gec olduğunu, heç bir müalicənin kömək etməyəcəyini deyib. Bir ay sonra, sevgilisi və üç uşağının atası evlilik təklifi edib.

Toy mərasiminin təşkilini Leysinin yatdığı xəstəxananın tibb bacıları öz üzərinə götürüb.

Tez bir zamanda gəlinlik paltarı və bəylik kostyumu alıb, nikah məmuru tapıb, tortlar və şarlar sifariş ediblər.

Mərasim yeni evlənənlərin qohumları və dostları, eləcə də xəstəxana əməkdaşlarının əhatəsində keçirilib.

"Tibb bacıları inanılmaz iş gördülər. Qısa müddət ərzində belə gözəl gün təşkil edə bildikləri üçün onlara inanılmaz dərəcədə minnətdaram. Təşəkkür edirəm", - Leysi deyib. (publika)