Son.az axar.az-a istinadən bildirir ki, bu sözləri AB-nin qarşıdakı günlərdə Ermənistana göndərəcəyi missiya və Rusiyanın sözügedən məsələyə verəcəyi cavab haqqında danışan Türkiyənin Sütçü İmam Universitetinin Siyasi elmlər və beynəlxalq münasibətlər kafedrasının müdiri, professor Toğrul İsmayıl deyib.

Professor Rusiyanın Azərbaycanın haqlı tələblərinə müsbət cavab verməməsinin belə bir nəticə doğurduğunu vurğulayıb:

"Bildiyimiz kimi, orada Rusiyanın hərbi bazası, eyni zamanda dəstəklədiyi siyasi qruplar var. Paşinyanın apardığı siyasət nəticə etibarilə yaxın gələcəkdə Rusiyanın müəyyən məsələlərə açıq müdaxiləsinə gətirib çıxara bilər. İkinci vacib aspekt Azərbaycan ərazisinə müvəqqəti yerləşdirilən rus sülhməramlıların məsuliyyət zonasına kənar şəxslərin istədikləri kimi girişi və çıxışıdır. Əgər Rusiya vaxtında Azərbaycanın sülhməramlıların fəaliyyəti ilə bağlı xəbərdarlıqlarına əməl etsəydi, vəziyyət belə həddə gəlməzdi. Çünki Rusiya dövləti Azərbaycan və Ermənistan arasında birbaşa vasitəçidir. Rusiya və onun göndərdiyi sülhməramlı kontingent öz vəzifələrində yetərincə məsuliyyətli olmalı idi. Fikrimcə, Rusiya gec olmadan gedən prosesləri və Azərbaycanla bağlı siyasətini yenidən nəzərdən keçirməli, düzgün addımlar atmalıdır".