Bu tapşırıq və təlimatlar nədən ibarətdir?

Birincisi, Vardanyan Moskvada olarkən bir daha Xankəndinə qayıtmaq istəmədiyini dilə gətirib. Yalvararaq səhhətində yaşanan problem səbəbindən tükəndiyini dilə gətirib.

Son.az-ın əldə etdiyi məlumata görə, Ruben Vardanyanı Moskvaya aparıb çıxaran səbəb səhhətində yaranan ciddi problemlərdir. Onun ağır şəkər xəstəsi olduğu barədə xəbər də təsdiqini tapıb. Lakin onun bu xahişi Rusiya tərəfindən qulaqardına vurulub.

İkincisi, erməni mənşəli rus milyarderin Xankəndində müxtəlif qruplaşmalar tərəfindən aradan götürülə biləcəyindən ehtiyatlandığını bildirməsi belə, Moskvadakı qüvvələri qane etməyib. Nəticədə Ruben Vardanyan təzyiq qarşısında, hətta ölümlə təhdid edilərək Xankəndinə geri dönməyə məcbur olub. Tələbə əməl etmək məcburiyyətində qalan Vardanyan yenidən eyni marşrut və qayda ilə Xankəndinə qaytarılıb. 

Vardanyan Paşinyanla həmfikirdir

Üçüncü məsələ ondan ibarətdir ki, Vardanyanın Paşinyana qarşı olması barədə erməni mediası mütəmadi olaraq məlumatlar yayır. Əslində bu xəbərlər yalnız görüntüdür. Yəni Paşinyan bu prosesdə Vardanyanla birgədir və oynanılan şou yalnız Qərb üçündür. Üstəlik, hətta bəzi Qərb dairələri də Vardanyanın oyununa şərikdirlər. 

Vardanyanın geri dönməsi ilə gərginliyin daha da artacağı gözləniləndir. Onun zor gücünə geri qaytarılması vəziyyəti gərginləşdirəcək. Ermənilərin bütün dünyaya səs salmaqlarına baxmayaraq azərbaycanlı etirazçılar Xankəndi yaxınlığındakı aksiyalarını sona qədər davam etdirəcəklər. 

Azər Nuriyev Son.az